Manifestu interkooperatibista

Oparotasuna denontzat

  • Uztailaren 1ean, kooperatiben nazioarteko eguna den honetan, Ekonomia Sozial Eraldatzailea sustatzen dugun Olatukoop sareko kideok, kooperatibek duten eraldaketarako indarra aldarrikatu eta denekin ospatu nahi dugu. Kooperatibismo eraldatzailea osatzen dugun guztiokin, baina baita kooperatibak existitzea posible egiten duten komunitate eta jendartearekin.

OlatuKoop sarea
2017ko uztailaren 03a
(Argazkia: Gari Garaialde / OlatuKoop)

Langileak elkarlanean, beren beharrak asetzeko antolatu izan dira askotan, ezkutatu izan zaigun historiako milaka adibideek erakusten duten bezala: kontsumo-kooperatibak, mutuak, zerbitzu kolektiboak eskuratzeko kooperatibak, finantza-egitura kooperatiboak… Antolatutako langileek, eraikitako esperientzia horiek guztiekin, beraien bizi egoera hobetzea lortu dute, eta batzuetan, baita jendarte osoarentzako aldaketa esanguratsuak martxan jarri ere.

Horien artean, bereziki garrantzitsuak dira elkarrekin lan egiteko biltzen diren kideen artean eraikitako lan kooperatibak,. Izan ere, esperientzia horiek, eraldaketa kolektiborako bideak irekitzen dituzte, eta, gainera, hortik ateratako emaitzak oparotasuna sortzeko biderik garrantzitsuenetakoak dira.

Oparotasuna, bai, baina denontzat. Sistema kapitalistaren metatze prozesuen aurrean, sortzen dugun aberastasuna egoki banatzean eraikitzen den oparotasuna proposatzen dugu; inor atzean utzi gabe, aurtengo leloak esaten duen bezala. Horregatik, lana gure eskuetan hartu eta antolatzea erabaki dugunok, pertsonen arteko esplotazioa arbuiatzen dugunok, ezin dugu desberdintasunen sorreran eta esplotazioan oinarritutako sistema honek baztertzen dituenak albo batera utzi.

Uztaila, uzta jasotzen den garaia da, oparotasun garaia, beraz. Aurten, eta hemendik aurrera urtero, uztailaren 1ean, gurekin batera, kooperatibek duten izaera eraldatzailea eta oparotasuna ospatzera gonbidatzen zaituztegu. Denontzat nahi dugun oparotasun hori eraikitzen ari garela ospatzeak, egiazko bihurtzen baitu bidea bera; ospatzen ez dena, ez baita existitzen!

Oparotasuna denontzat!

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kooperatibagintza  |  Iritzia

Kooperatibagintza kanaletik interesatuko zaizu...
REAS, Olatukoop, Koop57, Katakrak eta Argia: Alternatibak Puntuka
MULTIMEDIA - solasaldia

Reas Euskadiko Marian Díez, ARGIAko Estitxu Eizagirre, Olatukoop eta Koop57ko Amaia Oleaga eta Katakrak eta Alternatiben Herriko Maitane Unzu, puntuka erantzuten jarri zituen Naroa Elortza gai jartzaileak "Ekonomia sozial eraldatzailea eta burujabetza(k)" mintegian Gasteizen ekainaren 22an.


Migratzaileen Mbolo proiektua Bilbon
"Ez gaituztenez kontratatzen, kooperatiba sortzera goaz"

Duela hiru hilabete ezagutu genituen Khadim, Baba eta Bouba. Eskakizun guztiak betez Bilbon kale-saltzaile aritu arren, administrazioak legea gogortu eta berriro paperik gabe utzi nahi zituela kontatu ziguten. Hiru hilabete geroago, Khadim Frantziara joana da, etorkizun hobearen bila, eta Baba eta Bouba garbitzaile kooperatiba ari dira antolatzen beste hainbat migratzailerekin batera, kale salmenta uzteko asmoz. Bitarte horretan, “Inor ez da ilegala” kamiseta ere sortu dugu... [+]


2018-06-07 | ARGIA
OlatuKoopek indarberrituta ospatuko du Azpeitian 'Saretze Eguna'

Lau urte igaro dira ekonomia eraldatzailearen sarea eratu zela eta jadanik 26 dira bertan parte hartzen duten enpresa komunitarioak.


2018-06-03 | Juan Mari Arregi
Arizmendiarrietatik Fagor eta Eroskira

Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.


2018-04-19 | Txerra Rodriguez
Kronikak Mexikoko Cuetzalatik:
Tosepan kooperatiba: kafea eta piperminaz harago

Orain dela 41 urte sortu zen Tosepan, Cuetzalan aldean. Hasiera batean, bertako herritarrak kafea eta pipermina prezio duinagoan saltzeko elkartu ziren. Ordutik, baina, mugimendua asko hazi da, asko aniztu da. Eta zertan oinarritzen da ba? Ekonomia sozial eta solidarioa da Tosepan, ezer izatekotan.


Oscar García Jurado
"Imaginario kolektibo andaluzetik oso bestelako kooperatibagintza sortzen ari gara"

Andaluziako Morón de la Fronteran jaio eta hazia, lurralde ekonomian doktoratua da Oscar García Jurado. Sevillako Pablo de Olavide Unibertsitatean hainbat urtez aritu ondoren, bulego akademikoetatik kalera aldatzea erabaki zuen Autonomía Sur kooperatibarekin. Egun mugimendu sozialei eta SAT sindikatua edo Marinaleda kooperatiba bezalako proiektuei aholkularitza eskaintzen diete. Ezaguna da ekonomia eraldatzaileko euskal eragileen artean, eta ekintzailetasun soziala... [+]


2018-01-19 | Miren Osa Galdona
30 proiektu inguru bultzatuko dituztela aurreikusten du KoopFabrikak bigarren edizioan

Proiektu profesional eta ekimen sozio-ekonomikoak martxan jartzeko programa abian da bigarren urtez jarraian. Iaz 20 proiektu baino gehiago bultzatu zituen eta ostegunean eginiko aurkezpenean aurreikusi zutenez,  aurten 30 proiektu inguru sustatzea espero dute.


2017-12-15 | Axier Lopez
Euskal Herriko lehen telekomunikazio operadore kooperatiboa sortu dute: Izarkom

Abenduaren 14an Iruñeko Katakraken aurkeztu dute Izarkom. Euskal Herri osoan telefono zerbitzuak eta Interneterako sarbidea eskainiko dituen lehen telekomunikazio operadorea izan nahi du.


2017-12-05 | Andoni Mikelarena
KoopFabrika izen ematea ireki dute, ekintzailetza sozial kooperatiboko programa

2017an Ekonomia Sozial Eraldatzaileko 30 proiekturen sorreran eta kontsolidazioan giltzarri izan da KoopFrabrika programa. Bigarren edizioa urtarrilaren 17an hasiko da.


2017-11-12 | Estitxu Eizagirre
Ivan Miró Acedo
"Errepublika bat ez da aldarrikatzen, eraiki egiten da"

Bartzelonan jaioa 1975ean, kooperatibagintzan dabil buru-belarri: Sants auzoko Ciutat Invisible liburu denda kooperatiboa sortu zuen eta Katalunia osoan aritzen da proiektu kooperatibo eraldatzaileak sustatzen, interkooperazioa lantzen, erakunde publikoekin elkarlan bideak bilatzen... Kataluniaren independentzia helburu baino tresna da ekonomia sozialeko aktibistentzat, eta prozesu konstituziogilea demokratikoki eta behetik gora egin beharra azpimarratu du: “Herritarrek erabaki dezatela... [+]


Azkenak
EGILEA
Eguneraketa berriak daude