"Ongi etorri Erriberara!"

  • Mezu horrekin hartu dituzte erriberatarrek orain arte Santutxun egondako migratzaileak. Bi edo hiru aste egingo dituzte Deustuko Erriberan. Auzokideak txandetan antolatzen ari dira “ahalik eta harrera onena” egiteko.

Artikulu hau CC BY-SA 3.0 lizentziari esker ekarri dugu.

2018ko irailaren 25an - 09:06
Argazkia: Uriola.eus

“Harrera hunkigarria izan zen, oso beroa eta polita”. Horrela azaldu digu Jose Morales Erriberako auzokideak atzo arratsaldean bizitakoa. Ehun migratzailetik gora heldu ziren Bizinahi auzogunera, Santutxuko Karmelan hiru aste igaro ondoren. 50 bat autotan eta hainbat bizikletatan karabana zaratatsua egin zuten Atxuritik Deustuibarrera, “Instituzioak, bete zuen lana!” lemapean.

Txaloka, txalaparta doinuaz lagunduta eta “Ongi etorri Erriberara” mezuekin hartu zituzten gurean hiru hilabete luze daramatzaten etorkinak. Ekaina amaieran Atxuriko bizilagunek saskibaloi kantxa egokitu zuten bertan lo egin zezaten. Bertan aste batzuk eman ondoren, Bilbo Zaharreko Kultur Etxera igaro ziren. Ostean, Santutxuko Karmelara mugitu ziren eta atzo Erriberako Bizinahira iritsi ziren.

Lehenengo gaua ondo igaro dutela azaldu digu Moralesek. Egunak zeramatzaten eraikina txukuntzen eta “ahalik eta harrera onena” antolatzen. Auzokideak hainbat txandatan banatu dira: afaria prestatzeko, lo egiteko, garbiketarako, itzulpenak egiteko... Arropa, janaria edo garbiketarako produktuak behar izatekotan mezua zabalduko dute, baina momentuz egun batzuetarako nahiko dutela azaldu digute.

Erronka handia “urduri” eta “ilusioz” hartu dutela diosku Jose Moralesek. Auzo txikia izanagatik erantzuna handia izan da, “ezin hobea”, bere hitzetan. Inguruko auzoak ere antolatzen hasi dira Erriberatarrak laguntzeko. Asteartean, irailak 25, Ongi Etorri Errefuxiatuak 5 Auzo elkarteak bilera irekia egingo du San Inazio-Ibarrekolandako Kultur Merkatuan. 19:30ean zehaztu duten hitzorduan migratzaileei laguntza nola eskaini azalduko dute.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Albiste hau Uriola.eus-ek argitaratu du eta CC-by-sa lizentziari esker ekarri dugu ARGIAra.

 


Kanal honetatik interesatuko zaizu: Migrazioa
Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Lotsaren ituna

Duela aste batzuk Bartzelonan batu ginen Mugak Zabalduz karabanaren aurtengo ibilbidea eta helburua zehazteko asmoz. Uztailean Trieste eta Balkanetako mugara joango gara, berriro ere (bederatzigarren edizioa da) Europak sustatzen duen migrazio-politikak sufrimendua eta heriotza... [+]


Materialismo histerikoa
Atzerritar

Eta mugak igarota ere zer, muga azalean geratzen da, eta betirako, etengabe, da atzerritar barruan muga daramana, hain atzerritar, ezen ez duen guztiz pertsona ematen. Ezen hori baino ez dugun ikusten, hemengoa izanik ere bai, askotan, ijitoa bada, adibidez, atzerritarra... [+]


Frontexek bazekien ‘Adriana’ ontziko migratzaileak arrisku larrian zeudela, baina ez zuen ezer egin

Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]


Eguneraketa berriak daude