Euskal Herriko kooperatibismoaren memoria berreskuratzea eta ekonomia eraldatzailea sustatzea da OlatuKoop sarearen helburua.

Ekimen irekia da, eta bere oinarriak onartzen dituen enpresa proiektu edo komunitate oro sareko kide bihur daiteke. Dagoeneko bat egin dutenen artean daude Talaios, Sorginetxe, Koop57, EHNE Bizkaia eta Lakari, besteak beste.

Oinarriak finkatuta

Asteazken honetan eztabaidatu dituzte OlatuKoop sortzean proposatu ziren oinarri irekiak. Gardentasuna, aberastasunaren banaketa orekatua eta “pertsona bat, bozka bat” filosofia onartu dituzte kideek.

Logotipoa aukeratu dute sarearentzat, eta proiektu berriez ere aritu dira. Etorkizunean botere harreman parekideak indartzea ezinbestekoa iruditzen zaie OlatuKoop-eko kideei.