Okupatutako etxeak azkarrago husteko lege-erreforma onartu du Espainiako Kongresuak, eskuin unionistek eta subiranistek bat eginda

  • Prozedura Zibileko Legea aldatzea onartu du Espainiako Kongresuak. Horrela, etxe bat okupatu duten pertsonak bi urteren buruan kaleratu ordez, bi hilabeteko epean kanporatu ditzakete. Neurriak ez du arrisku egoeran dauden familientzat edo norbanakoentzat alternatibarik jasotzen; administrazioak ez die zertan beste bizitoki bat eskaini. PPren, Ciudadanosen eta EAJren botoekin atera da aurrera PDeCATek proposatutako legea. Indarrean jartzeko Senatuaren onespena behar du.

Miren Osa Galdona @Mirentx_U
2018ko apirilaren 25a
Etxe kaleratzeak azkarrago egiteko aukera emango du lege erreformak.

Kongresuko eskuineko alderdiek bat egin dute okupatutako etxebizitzak ahalik eta azkarren hustea ahalbideratzen duen neurria aurrera ateratzeko. Xedea “jabetza pribatua babeste”a dela berretsi dute, eta jabeek euren etxebizitzak ahalik eta azkarren lor ditzatela bermatu nahi dute.

Aldeko 175 boto izan ditu ekimenak – PP, Ciudadanos, PDeCAT eta EAJ –, eta 161 aurka– PSOE, Unidos Podemos eta ERC–. Alderdi moreak iragarri du Auzitegi Konstituzionalean errekurrituko duela asteartean aurrera ateratako neurria, “etxebizitza eskubidearen aurka” egiten baitu.

Jabeek euren etxea ahalik eta azkarren berreskuratzeko bidetik at utzi ditu neurriak putre-funtsak, entitate finantzarioak eta promotoreak. Modu honetan, etxebizitzen “mafiak” esku har dezaten ekidin nahi dela adierazi du Lourdes Ciro PDeCATeko bozeramaileak. Oposizioak, ordea, gogor kritikatu ditu Ciroren hitzak eta neurriak bere horretan beharrak dituzten herritarrei baino, haiek aipatutako “mafiei” egiten diela mesede adierazi dute.

Lucia Martin En Comú alderdiko bozeramaileak adierazi du neurria “lotsagarria” dela eta etxebizitzaren arazoari ez diola “inondik inora” erantzunik ematen. “Arazoa handitu baino ez duzue egingo, etxeen espekulazioa bultzatzen dutenei eragin ere ez baitio egingo neurriak. Jendea etxe gabetzeko baino ez du balioko eta gainera, ahultasun egoeran dauden pertsonei ez diezue konponbiderik emango”. Rafael Mayoral Unidos Podemoseko bozeramaileak bat egin du Martinek adierazitako hitzekin eta diputatuei gogorarazi die NBEk ahultasun egoeran dauden pertsonei ostatu ematea azpimarratzen duela muturreko kasuetan; etxe-gabetzeak kasu.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Etxegabetzeak

Etxegabetzeak kanaletik interesatuko zaizu...
2018-06-14 | ARGIA
Bere buruaz beste egin du Banco Popularraren aginduz etxegabetu behar zuten gizon batek

Cornella de Llobregaten (Katalunia) gertatu da. 45 urteko gizonak bere burua jaurti du hamargarren solairutik behera, Mossoak etxegabetze ordenarekin etxeko atean zirela.


Esan artzapezpikutzak egitekoa duen etxe kaleratzea atzeratu dute epaitegiek

Hipotekek Kalteturiko Plataformak adierazi du "forma" arazo batek atzeratu duela tramitea baina ohartarazi du artzapezpikutzaren nahia oraindik ere Esa herriko familia etxetik botatzea dela.


2018-03-02 | ARGIA
360.000 etxegabetze sei urtean Espainiako Estatuan

2011z geroztik, urtean 60.000 etxegabetze burutzen dira batez beste Espainiako Estatuan, Botere Judizialaren Kontseilu Nagusiak emandako datuen arabera. Tartean sartzen dira ez soilik etxebizitzak, baita bestelako espazio, pabilioi edota bulegoak ere. 


Kutxabankek bikote gasteiztar baten aurka zuen kaleratze prozesua bertan behera utzi du epaileak

Cesarea eta Bartolomek 68 eta 72 urte dituzte eta Gasteizen duten etxetik bota nahi zituen Kutxabankek, baina Arabako probintzia-auzitegiak baliogabe jo du hipotekaren kuota bat ordaintzen ez duzunean bankuak hipoteka osoa eskatu ahal dizula dioen klausula. Ez dago helegiteak jartzeko aukerarik.


2018-02-14 | ARGIA
Etxegabetze asko eragin duen IRPH indizearen auzia Europara iritsiko da, Arabako kasu batengatik

Arabako auzitegiak Europara eramango du IRPH klausulen inguruko auzia. Espainiako Auzitegi Gorenak, epaileen arteko desadostasun handiekin, atzera bota zuen Arabatik emandako epai bat, zeinak indize hipotekarioa baliogabetzat jo zuen.


Etxetik bota ondoren ospitalera eraman behar izan dute 84 urteko Patxi Zubiarre Donostian

Ohatilan atera dute Patxi Zubiaurre 40 urtez bere etxea izan den lekutik. Asteazken goizean kaleratu du Abacredit mailegu enpresak, 2014ko maiatzean ezin izan baitzion 104.000 euroko hipotekari aurre egin.


2017-12-12 | ARGIA
Bertan behera utzi dute gaur kaleratzekoa den Patxi Zubiaurreren aldeko elkarretaratzea, berak hala eskatuta

Etxe Kaleratzeak Stop! taldeak deituta gaur goizean Donostian egitekoa zen elkarretaratzea bertan behera geratu da, Patxi Zubiaurrek, etxegabetu nahi duten 84 urteko gizonak, hala eskatuta.


Etxe kaleratze bat geldiarazi dute Iru˝eko Arrosadia auzoan

Goizeko zortzietan zegoen aurreikusia Santander Bankuan Martha izeneko emakume bat eta bere familia bizi zen etxea hutsaraztea. Elkarretaratzea egin dute Etxe Kaleratzeen Kontrako plataformakoek eta epaile batek momentuz geldiarazi egin du kaleratze hori. 


2017-12-01 | Miren Osa Galdona
Hilabete etxetik kanpo
Gasteizko Santo Domingo kaleko bizilagunek konponbiderik gabe jarraitzen dute

Hilabete pasa da, Udalaren aginduz, Gasteizko Alde Zaharreko Santo Domingo kaletik bederatzi familia euren etxeetatik irtenarazi zituztenetik. Santo Domingo Bizirik plataformak jakitera eman duenez, familia batzuei lau aldiz aldarazi diote etxez eta gehienak egoera “tamalgarrian” bizi dira. Udalaren jarrera “utzikeria hutsa” dela diote bizilagunek. Larunbatean kazelorada egingo dute Gasteizko Alde Zaharrean.


Azkenak
EGILEA
Eguneraketa berriak daude