La Caixak hiru familia etxegabetu nahi ditu Bilbon
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta baldintzarik gabe eten ditzala" exijitu dio Etxebizitza Sindikatuak, baita "amaitzeke dauden alokairu-kontratuak luza ditzala" ere.
aurre egingo dieten hedabide independenteak
Euren etxeetatik kanporatuak izateko arriskuan daude Bilboko (Bizkaia) hiru familia, Boluetan eta Zorrotzan. La Caixak etxegabetu nahi ditu, InmoCaixa bere filialaren bidez. Bilboko Etxebizitza Sindikatuak eman du egoeraren berri: Babes Ofizialeko Etxebizitzetan bizi dira familia horiek, alokairu-erregimenean, eta banketxeak ez dizkie kontratuak berritu nahi.
2008ko krisi-testuinguruan, La Caixak hainbat lurzoru erosi zituen Bolueta eta Zorrotza auzoetan, Etxebizitza Sindikatuak azaldu duenez. Horietan kokatutako Babes Ofizialeko Etxebizitzak alokairu-erregimenean sartu zituzten, eta 43 familiari esleitu zizkieten 2013an. Horietatik hiru dira orain etxegabetuak izateko arriskuan daudenak, baina ohartarazi dute ez direla kasu bakarrak.
Etxebizitza negozio-iturri La Caixarentzat
"Gaur egungo maizterrak kanporatuz", negozioa egin nahian eta bere irabaziak handitu nahian ari da La Caixa, Etxebizitza Sindikatuaren esanetan. Hala laburbildu du banketxearen estrategia: "Ez ditu kontratuak berritzen, etxeak prezio astronomikoen truke erosteko aukera ematen die maizterrei, alokairuaren prezioak igotzen ditu (kasu batzuetan, azken urteetan, 325 eurotik 700 eurora igo dizkiete) edo, maizterrak kanpora bota ondoren, etxeak gelaka banatzen ditu, etekin handiagoa ateratzeko".
Sindikatuak seinalatu du, hala, etxebizitza soziala ere "negozio bat" dela bankuentzat. La Caixaren kasuan, lurzorua merkeagoa zenean erosi zituen horiek, eta "kostu baxuan eraiki zituen eraikinak", kalitate txarrean. Orain, "hamar urte baino gehiagoko alokairu sozialetan inbertsioa amortizatzea" lortu du banketxeak, eta "are etekin handiagoa atera nahi du, bizilagunak kanporatuz".
Etxegabetzeak baldintzarik gabe eten
Bilboko Etxebizitza Sindikatuak exijentzia batzuk egin dizkio La Caixari: martxan diren hiru etxegabetzeak "berehala eta baldintzarik gabe eten ditzala", eta "amaitzeke dauden alokairu-kontratuak luza ditzala". Kaleratuak izateko arriskuan dauden hainbat bizilagunen lekukotzak bildu ditu sindikatuak, ondoko bideoetan:
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.