Bilboko etxegabetzearen aurka protestan ari direnen kontra oldartu da Ertzaintza
Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.
Bilboko Udalak Txurdinagako auzokide bat etxetik botako zuela jakinarazi zuen Bilboko Etxebizitza Sindikatuak pasa den astean. Ostiralerako zegoen ezarrita kaleratzea eta goizeko 09:00etarako Julian Gaiarre kaleko 4. zenbakian elkarretaratzea egin du sindikatuak.
Gedar-ek sare sozialetan zabaldutako irudietan ikus daitekeen modura, goizeko 7:30ean bertaratu da Ertzaintza eta ordurako “dispositibo handia prest” zutela salatu dute. Sindikatuko kideak protestan hasi bezain orduko izan dira lehendabiziko kargak, eta protestan parte hartzen ari zen pertsona bat ere atxilotu du Poliziak.
“Etxegabetzeak gelditu” ozen oihukatu dute protestara bertaratu direnek baina udaltzaingoak goizeko 9:30 aldera Bilboko Udalaren aginduz etxegabetzea burutu duela jakinarazi dute. Bitartean, protestan zeudenei bigarrengoz oldartu zaie Ertzaintza.
Hona hemen Gedar-ek sare sozialetan zabaldutako irudiak:
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
