Iruñean familia bat etxegabetuko dutela salatu dute Harituk eta Jaki Tokik
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
aurre egingo dieten hedabide independenteak
Bi urteko etxegabetze prozesuaren ostean, Haritu Elkarlaguntza Sareak eta Jaki Tokik salatu dute familia bat kaleratuko dutela, ostegunean, otsailaren 22an, Iruñeko Txantrea auzoan: “Hamaika urte eman ondoren, Iruñeko familia langile bat kanporatuko dute inolako etxebizitza alternatibarik gabe”.
Gaineratu dute bi urte hauetan bilatu dituzten etxeetako jabeek ez dietela etxerik alokatu nahi izan etxegabetuko duten familiari: “Ez diete etxebizitzarik alokatu nahi familia ugaria, soldata bakarra eta atzerritar jatorrikoa izateagatik”.
1500 euroko soldata bakarrarekin egiten du aurrera familiak. Halere, Iruñeko Udaleko Etxebizitza Bulegoak sei senideentzako hotel logela bakarra eskaini die: “Denboraldi zehaztu gaberako da, sukalderik gabe eta eskolatzea normaltasunez jarraitzeko aukerarik gabe”.
Horrekin batera salatu dute azken hamarkadan soldatak baino bost aldiz gehiago garestitu dela etxebizitza alokairua. Horren ondorioz, bazterketa egoera "latzean” daude familia langile asko. Horrekin batera, etxebizitza “duin” bat eskuratzea "ezinezkoa" dela salatu dute: “Etxebizitzetan eta logeletan pilatuta amaitzen dute askok, logelak azpierrentanhartuz edota janari beroa prestatzeko aukera gabeko ostatuetan”.
Ez da kasu isolatu bat
Txantrean bizi den familia ez da etxegabetzeko bidean dagoen bakarra. Haritu eta Jaki Toki kolektiboetako kideen arabera azken hilabeteetan gora egin dute etxegabetze egoerari aurre egiten dietonen familien kasuek. Esate baterako, apirilean lau seme-alaba dituen beste familia bat kanporatuko dute Iruñeko Arrosadia auzoan.
Horregatik, nabarmendu dute jabetza pribatuaren “zentraltasunak” eta etxebizitzaren bermatze kolektiboaren faltak “berdintasun eza” eragiten dutela: “Etxebizitzak ezin dira errentagarritasun logikaren araberakoak izan”.
Azkenik, etxebizitzak eskuratzeko moduen “birmoldaketa integrala”, etxegabetze egoeran dagoen familiarentzako etxebizitza alternatiba “duina” eta etxegabetze guztiak geldiaraztea eskatu dute.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.