Balkanguard desokupazio-enpresak familia bat etxegabetu nahi du Lizarran
Etxegabetze estrajudizial bat emateko berehalako arriskuan aurkitzen da Lizarrako Etxebizitza Sindikatuarekin antolatuta dagoen familia bat. Euskal Herriko Etxebizitza Sindikatu Sozialistak salatu duenez, azken urteetan enpresa horien jarduna areagotzen ari da, “faxismoaren behar gero eta handiagoa dutelako jabedunek".
Beste desokupazio-enpresa baten jardunaren berri eman du Euskal Herriko Etxebizitza Sindikatu Sozialistak. Oraingoan, Balkanguard enpresa ari da familia bat etxegabetu nahian, Lizarran (Nafarroa). Hainbat urte daramatza familiak alokairuan bizitzen, baina gaur gaurkoz jabeak handik kanporatu nahi ditu, eta horretarako desokupazio-enpresa batengana jo du. “Etxegabetze estrajudizial bat emateko berehalako arrisku baten aurrean gaude”, salatu du Etxebizitza Sindikatu Sozialistak.
Azken asteotan hasi da familia etxetik alde egiteko enpresaren presioa jasaten. Mezuak eta deiak jasotzeaz gain, atarira bertaratu ziren Balkanguardeko bi matoi: mehatxu egin zieten kaleratze arriskuan dauden bizilagunei eta agiri bat sinatzera behartu nahi izan zituzten. Antza, agiri hori sinatuta, etxea uzteko konpromisoa hartuko lukete.
“Legea heltzen ez den lekuetara heltzen da enpresa hauen indarra”, dio Etxebizitza Sindikatu Sozialistak. Salatu du azken urteotan enpresa horien jarduna areagotzeaz gain, jabeek “nahieran” kaleratzen dituztela maizterrak: etxebizitzak salgai jartzeko, maizterrak aldatu eta prezioak igo ahal izateko... “Enpresa faxista hauen jarduna irabaziak metatzeko beste tresna bat den heinean, administrazioek, indar polizialek eta botere judizialek ez diote oztoporik jartzen euren jardunari”, azpimarratu dute.
Orain gutxi, iragan irailean, Euskal Herriko Etxebizitza Sindikatu Sozialistak jakinarazi zuen beste desokupazio-enpresa baten jazarpena ari zela pairatzen familia bat Gasteizen.
Batzarra
Enpresa horiei aurre egiteko konpromisoan berretsi dira sindikatuko kideak. Eta dei egin diete jazarpena jasaten duten herritarrei sindikatuarekin harremanetan jartzera. “Desokupazio enpresei aurre egiteko Autodefentsa Sozialista antolatzea ezinbestekoa da”, gaineratu dute.
Lizarrako Kontseilu Sozialistak batzar bat egingo du ostiral honetan, aipatutako familia bizitzen ari den egoeraren berri eman eta horren gainean hausnartzeko. Sugarra Gaztetxean izango da bilkura, urriaren 27an, 19:00etan.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
10:00etan etxegabetzea gauzatzeko agindua zuen Poliziak, baina lehenago bertaratu dira sei patruila emakumearen etxera eta inguruko kale guztiak moztu dituzte. Haritu Elkarlaguntzako Sareak eginiko deiari erantzunez, dozenaka lagun elkartu dira etxearen aurrean etxegabetzea... [+]
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.