OEITeko medikuen agiri berria: "Erraustegi ondoan bizitzeagatik dioxina-maila altuak odolean"

  • Osasuna eta Errausketa Ikerketa Taldea (OEIT), hondakinen errausketak osasunean duen eraginaz diharduten mundu mailako ikerketa ezberdinen datu kezkagarriak plazaratzen dabil astero, sare sozialen bidez. Azken hamabostaldian beste bi ikerketako datuak plazaratu ditu.

Usurbilgo Noaua @noaua
2019ko otsailaren 07a
"Dioxinarik Ez", Greenpeaceren aldarria erraustegi baten aurkako mobilizazio batean. (Argazkia: Ecowatch)

Batetik, Italiako “Mortality and morbidity in a population exposed to multiple sources of air pollution: A retrospective cohort study using air dispersion models” ikerketako datuak dakartza.

“Kohorte azterketa erretrospektibo honetan 7 kilometroko erradio batean kutsadura-iturri ezberdinek daukaten inpaktua aztertzen da. Hiri-hondakinen errausketari dagokionez, beste emaitzen artean dio, pankreako minbiziagatiko hilkortasuna %40-70 handitzen dela bi sexuetan”.

Astearte honetan berriz (otsailak 5), Frantziako “Increased risk of non-Hodgkin lymphoma and serum organochlorine concentrations among neighbors of a municipal solid waste incinerator” ikerketatik jasotako data plazaratu ditu OEIT-k. “Ikerketa honetan erraustegietatik gertu bizi diren pertsonen odol-analisietan dioxina-maila altuak aurkitzen dituzte eta linfoma ez-Hodgkin minbiziarekin asoziazioa ere bai”.

AURREKO ASTEEETAKO DATUAK, iturria: “Ranzi A, 2011 ITALIA Mortality and morbidity amon people living close to incinerators: a cohort study based on dispersion modeling for exposure assessment” “Azterketa honetan diote gizonezkoen pleurako minbiziagatiko heriotzak hirukoiztu egiten direla eta maskuriko minbizi kasuak %76 gehitzen direla. Halaber, gizonezkoetan pleurako minbiziaren intzidentzia %200 handitzen da eta emakumezkoetan bularreko minbiziaren intzidentzia %15 handitzen da”. 

Minbizi eta sortzetiko malformazio kasuak gorantz erraustegietatik hurbil, OEIT-k kaleraturiko azken datuen arabera

Osasuna eta Errausketa Ikerketa Taldeak hondakinen errausketak gure osasunean izan dezakeen eraginari buruz, mundu mailan argitara emandako ikerketen datuak plazaratzen segitzen du sare sozialen bidez. Aste honetakoan, “Porta D, 2009 Systematic review of epidemiological studies on health effects associated with  management of solid waste” ikerketako datuak dakartza. Datu kezkagarriak, beste behin.

“Kutsadura-iturri ezberdinek duten eraginari buruzko berrikuspen sistematikoa da. Hondakinen errausketari dagokionez, txostenak dio, 3 kilometroko esposizio-erradio batean minbizien kasuak orotara %3 gehitzen direla eta 10 kilometroko erradio batean, sortzetiko malformazioen kasuak %6-220 gehitzen direla”. 

AURREKO ARTIKULUAK:

Minbizi eta sortzetiko malformazio kasuak gorantz erraustegietatik hurbil, OEIT-n azken datuen arabera

Abortuen %45eko gorakadaz ohartarazten duen azterlana plazaratu du Osasuna eta Errausketa Ikerketa Taldeak

Azterlan ezberdinen datuak plazaratuko ditu astero, Osasuna eta Errausketa Ikerketa Taldeak

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errausketa  |  Gipuzkoako erraustegia

Errausketa kanaletik interesatuko zaizu...
2019-02-14 | Zero Zabor
Erraustegiek 2020etik aurrera ez dute Europako kohesio funtsetik laguntzarik jasoko

Europako Legebiltzarrean Eskualdeen Garapenerako batzordeak bozkatu du moztea Europar Batasunaren diru-laguntzak hondakinentzako zabortegi eta erraustegiei 2020tik aurrera. Parlamentariek argudiatu dutenez, honek baimenduko du diru gehiago erabili ahal izatea hondakinen prebentzio, berrerabiltze eta birziklatzeari laguntzeko, Europak 2035rako ekonomia zirkularra lortzeko ipinitako helburuak lortzeari begira.


2019-02-13 | Zero Zabor
Kanaldude telebistak Zubietako erraustegiari buruzko mahai ingurua eskainiko du zuzenean Andoaindik

Ostegunean, 14, izango da mahai-ingurua Andoaingo Urigain kultur etxean. Kanaldudek zuzenean eskainiko du 19:00etatik aurrera, baina saioa aurrez-aurre ikusi eta entzutera datozen herritarrei aurretik Ipar Haizea elkarteak pintxo-potea eskainiko die, 18:30etan.


2019-02-11 | ARGIA
Erraustegiaren enpresek iritzi publikoa kontrolatzeko antolatu duten komunikazio plana argitaratu du GuraSOSek

Zubietako erraustegia eraikitzen ari diren enpresek (Urbaser, Meridiam, Altuna y Uria, Moyua, Murias eta LKS-Mondragon) komunikazio talde bati eman diote Gipuzkoak Ingurumen Gunea eufemismoz bataiatutako erraustegi konplexuaren irudi ona gizarteratu eta sortu diren kontrako iritziei gaina hartzeko ardura. GuraSOS elkarteak eskuratu du oposizioko taldeen aurkako diskurtso bat egituratzen ari den kabinetearen agiri konfidentziala eta igandean Lasarte-Orian egindako ekitaldi jendetsuan erakutsi... [+]


2019-02-05 | Zero Zabor
Serbiak atzera bota du Belgradeko erraustegi proiektua, aurkako mugimenduari arrazoi emanda

Ne Davimo Beograd mugimenduak aurkeztutako helegiteei arrazoi emanda, Serbiako gobernuak baliogabetu egin du Ingurumen ministerioak emandako ingurumen baimena Belgrado (1.700.000 biztanle) hiriburuko Vinca auzoan eraiki nahi zuten erraustegi berriarentzat. Prozedura osoa hasieratik errepikatzera behartu du.


2019-02-01 | Zero Zabor
Gloucesterreko erraustegia: udala eta Urbaser auzitara eraman dituzte herritarrek, tartean Jeremy Ironsek

Gloucesterreko udalak eta Urbaser multinazionalak epaitegian erantzun beharko diete hainbat herritarrek CommunityR4C elkartearen ekimenez auzitara eraman dituztelako, Javelin Park erraustegiaren kontratua osorik erakutsitakoan hasieran agintariek aitortutako 500 milioi libretako kostoak benetan 633 milioi zirela jakin denean.


2019-01-17 | Zero Zabor
Portland Valderribasek ezingo du hondakinik erre Sevillan, Auzitegi Gorenak baimena baliogabetuta

Portland Valderribas zementu ekoizleari Andaluziako Juntak (PSOEren agintepean) baimena emana zion Alcala de Guadairako Los Alcores porlan fabrikan hondakinak erretzeko. Baimena lehenik Andaluziako Auzitegi Nagusiak baliogabetuta, Junta tematu zen helegitea jarriz eta orain Madrilgo Auzitegi Gorenak baliogabetu du behin betikoz baimen hori.


2019-01-15 | Zero Zabor
Gloucesterreko erraustegiaren 'zuloaren' eskandalua Londresko parlamenturaino iritsi da

David Drew Gloucester konderriko diputatu laboristak Londresko legebiltzarraren bileran eskatu du hango erraustegiaren diru-kontuetan azaldu den zuloaz eztabaida publikoa abiatu dezatela parlamentariek: "Erraustegiarena proiektua katastrofikoa da, datozen 25 urteetarako sistema bati kateatu gaitu eta honek ez dio batere lagunduko hondakinen murrizte eta birziklatzeari". 


2019-01-14 | Zero Zabor
Kornuallesko erraustegi berriak zazpi hilabete daramatza argindarrik sortu barik

Haserre dago jendea Kornuallesen (Britainia Handia). Urte askotako eztabaida eta oposizioa gainditzeko, St. Dennis erraustegia sustatzen zuten agintari eta enpresak argudio garrantzitsutzat aurkeztu zuen zaborrak kiskaliz argindarra sortuko zuela. Baina hilabeteak aurrera doaz, zazpi dagoenekoz, eta labeetako beroari argindarrik ateratzerik ez dute lortzen.


2019-01-08 | Zero Zabor
Eta Gloucesterreko erraustegiaren kontratua erakutsi dutenean... 100 milioi libra garestiago azaldu da

Iazko ekainean 15 eguneko gose greba egin zuen gazte batek Gloucesterren (Erresuma Batua) agintariei eskatuz bertan eraikitzen ari diren Javelin Park erraustegiaren kontratua osorik erakuts zezatela. Eguberriotan plazaratu dutenean, ezustekoa zeraman barruan: orain arte aitortua baino %30 gehiago kostako zaiela herritarrei. Protestak ugaritu dira eta politikari batzuek auditoria independentea eskatzen hasi.


2018-12-17 | Zero Zabor
Harlingeneko erraustegiaren sarrera blokeatu dute herritarrek, itxiera eskatuz

AfvalovenNee (Erraustegirik Ez) mugimenduak deituta, ziento bat herritar elkartu ziren ostiralean, abenduak 14, Harlingen herriko Omrin erraustegiaren atarian, haren itxiera eskatzeko. Aurretik, erraustegiaren jabea den Frisiako herrien elkargoak batzarra izan zuen eta bertan inguruko herrietako alkateek beren kezka azaldu zuten erraustegiaren kudeatzaileek informazioa ezkutatzen dietelako. Astebete darama geldirik Holandakoetan berriena den errauste plantak, hamaikagarren arazo teknikoa... [+]


Eguneraketa berriak daude