Oasiko Kronikak 16: Dusko gudariak gara (Euskadiko Orkestra Sinfonikoarekin)
Ipar Euskal Herriko bozen analisi politikoa, EAEko kanpainaren nondik norakoak, Dusko Ivanovichen sobietar mototsaren indarra, eta nola ez, Julian Iantzik oparitu digun polemikatxoa; hau guztia Euskadiko Orkestra Sinfonikoak girotuta.
Hauteskundeak ate joka ditugu EAEn, Ipar Euskal Herrian, aldiz, egin berri dira Herriko Etxeetako bozak abertzaleen indar erakustaldiarekin. Badirudi hegoan desagertzear den espeziea indartzen ari dela iparrean, eta gu fenomeno hori aztertzen saiatu gara, Julian Iantzik ondo erakutsi digun bezala, galderak eginaz. Hala ere, gu Duskoren alde, ipar zein hego, gu Dusko gudariak gara!
Hori soilik ez, aurrekoetan bezala, tertuliaz gain, dozena erdi atal gehiagok osatu dute emankizuna: Albisteak, Teoren abenturak eta kalentura, Aita ernegatua eta Ruper Ordorikaren kanta hautatua.
Gogoratu, bestalde, Telegram kanala ere sortu dute irratsaioko kideek. Apurka-apurka podcastaren ildo editorialarekin bat datorren edukia zabalduko dute bertan, nahi duen ororentzat aho-gozagarri.
Egin zure ekarpena
Proposamenen bat, kritikaren bat edo esateko zerbait baduzu grabatu ahots mezu bat eta bidali mezua: 669 36 29 82 zenbakira Telegram edo WhatsApp bidez edo beranduegi@argia.eus helbidera e-postaz.
Euskal Herriko Bertsolari Txapelketa Nagusia ARGIAko BTN saioaren bidez jarraitu zuenetakoa zara? Egile eta sortzaile berberen eskutik datorkigu eskaintza berria: Señora sariketa. Argia.eus atarian, hiru ostegunez, Haizea Arana, Oihana Arana, Leire Vargas eta Aner... [+]
Mattin Jauregi eta Eli Pagola ariko dira ‘egonarria’ saioa gidatzen. Astero 40 minutuko pilulatxoa emango digute.