Nigandik kanpo bezala
aurre egingo dieten hedabide independenteak
Antzezlana: Winona & Grace
Konpainia: Khea Ziater.
Noiz: Urriaren 29an.
Non: Pasai Donibaneko Juanba Berasategi aretoan.
----------------------------------------------------------
Pertsonaia edo egoera bat antzeztea da eszenatoki gainean eroso egoteko baldintzarik errazena. Gidoia jarraitzen duen aktoreak zein ikuslea entzuteko prest dagoela dakienak ez du beldurrik; adrenalinak hartzen du haren gorputza eta garuna. Baina zu izango bazina guztion begirapadean dagoena?
Winona eta Grace baldintza oso desberdinetan dauden bi aktore dira. Bata ospetsua da eta lanik ez du falta; bestea, ordea, saiakeran baino ez da gelditu. Obrak famaren pisua eta lortu ezin duenaren zama nahasten ditu, artisten mundu idiliko eta mitifikatua irudikatu, baina hemen inor ez dago kontentu. Pertsonaiek hori bera kritikatu nahiko dute euren gris koloreko bizitzez hizketan eta bakoitza bere argudio eta bizipenetatik abiatuta.
Senarrak haur moduan tratatzen duen bizitza hutsaleko etxeko andreak eta bikotekideak berarekin ezkontzeko eskatzea desio duen kafetegi bateko zerbitzariak kotxea hartu eta euren bizitzen errutinatik ihesi doaz, frustrazio guztiak maletategian sartuta. Lerro hauek Hollywoodeko Telma eta Louise film ospetsuko sinopsia osatzen dute, baina lotura zuzena dute Ainhoa Artetxe eta Graciela Donizen asmoarekin. Antzezlana hainbatetan jarri da AEBetako hiri horretara begira, bigarrengo bati erreferentzia zuzena eginda: Night on Earth. Winona Rider aktoreak taxista papera du film honetan eta Gena Rowlandsek antzezten duen zuzendari ospetsu bat jasoko du bere autoan. Bi film horiek antzezlanaren pertsonaien zein giroaren parte dira: titularrean, bi protagonisten izaeretan, gertaeretan eta estiloan. Bete-batean sartu dira distantzia handira dagoen mundu horretan. Erabakia arriskatua da, ikuslea obran sartzea galarazi dezakeena. Ni, behintzat, nahiko eszeptika hurbildu naiz antzokira, izenburuak hasteko, ez bainau limurtu, Hollywoodera eraman nauelako, hain zuzen ere. Luxuzko egongela bat eta Goya jaso duen aktoreak hausten dute hasierako isiltasuna, zein baino zein topikoagoak iruditu zaizkidanak. Baina, sortzaileek ez dute inongo momentuan asmo hori ezkutatu, esplotatu baizik eta euren eremura ekarri.
Era berean, antzerkia eta zinemaren lengoaiak nahastu dituzte, eta bete-betean asmatu dute horrekin, edertu egin baitu eszenaratzea eta zentzua eman dramari. Pantaila eta bideoen erabilerak beste mundu bat irudikatu dute eta zuzenean ikusten ari ginenari gehitu dio. Eta hemen hasiko da tipula biluzten: bi aktore aktoreena egiten, zeintzuek ez dakiten aktore izateak on egiten dien. Zinema eta antzerkia. Barnean daramatzaten kanpo erreferentziak. Pantailaren distantziatik intimitatea erakusten duten asmoak eta barne hausnarketa sakonak. Isilpean dauden sortzaileen zein pertsonaien asmoak. Literalki entzerratuta dauden bi pertsona, metaforikoki ere badaudenak. Elkar ezagutzen ez duten bi adiskide. Aktore famatuen iruditeria mitikoa, era berean kritikatu egiten dutena. Eta azpimundu gehiago sortzeko, drogaren atmosfera. Finean, fikzioz mozorrotutako errealitatea errealitatearen barruan.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]