ARGIA.eus

2020ko uztailaren 06a

Nextcloud: soluzio libreen garrantzia Koronabirusaren garaian

  • Bada denbora digitalizazio hitza entzuten genuela etengabe, erakundeak digitalizatzea garrantzitsua dela eta modu telematikoan lan egiteko sistemak ezarri behar genituela, baina Koronabirusak iritsi behar izan du errealitate horren garrantziaz benetan jabetzeko. Bezeroak deika ditugu etxetik euren bulegoko sarera nola konektatu daitezkeen galdezka, zer ordenagailu erosi behar duten aholku eske… Egoera berri honetan SPRIrekin harremanetan jarri ginen.

iametza interaktiboa @iametza
2020ko apirilaren 01a

SPRIk inplantazio zehatzak egiten lagundu dezaketen hornitzaile teknologikoen zerrenda bat prestatu du eta Iametza zerrenda horretan aurkituko duzue.

Gure zerbitzu eskaintzari dagokionez hiru ezaugarri azpimarratzen ditugu:

  • Software libreko soluzioen gaineko ezagutza
  • Zerbitzua euskaraz eskaintzeko gaitasuna eta prestutasuna
  • Harreman gertukoa

Zertan lagundu ahal dizugu?

  • Ekipamenduaren erosketari buruzko aholkularitza
  • Bideokonferentziak egiteko sistema libreei buruzko aholkularitza eta laguntza: Jitsi, Nextcloud Talk…
  • VPN sistemen inplementazioa: Hau da, etxetik bulegoko sarean lan egiteko sistemen inplementazioa
  • Nextcloud softwarearen instalazioan aholkularitza, laguntza eta inplementazioa
  • Soluzio hauek martxan jartzeko egon daitezkeen diru-laguntzei buruzko informazioa. Aste honetan SPRIk Industria Digitala programa onartuko du sektore industrialeko enpresei zuzenduta eta Gipuzkoako Foru Aldundia ekipamenduen erosketara bideratutako bonu teknologikoak onartzear da.

Zergatik Nextcloud?

Nextcloud Google Drive-ren antzerako plataforma bat dela esan genezake, jendearen gehiengoak ulertzeko. Baina askoz aukera gehiago eskaintzen ditu:

  • Dokumentuak partekatu eta modu kolaboratiboan editatu ahal dira, Collaborarekin
  • Audio eta bideokonferentziak egin daitezke
  • Egutegiak partekatu eta beste gailuekin sinkronizatu, adibidez, mugikorreko agendarekin
  • Mugikorreko kontaktuen segurtasun kopia egin
  • Posta elektronikoak irakurri eta idatzi
  • Lanak antolatu
  • Norberaren zerbitzarian instalatzeko aukera ematen du, bertako informazioaren gaineko kudeaketa eta kontrola bermatuz.
  • Gainera, euskaraz egin dezakegu lan. Zentzu honetan Iametzan Xuxen zuzentzailea Collaboran integratu dugu eta guztiontzat erabilgarri jarri dugu.

Nextcloud bezalako plataformek eskaintzen dizkiguten aukerak garrantzitsuak dira edozein unetan, are gehiago bizi dugun egoeran, non badirudien Koronabirusak edozein muga gainditzeko baimena ematen duen. Adibidez, gure mugikortasun datuak partekatuak izatea onartzen dugu, osasunaren mesedetan. Hau da, non ibili garen eta norekin izan garen harremanetan ezagutzera ematen duen informazioa hirugarrenen esku uztea onartzen dugu. Nahiz eta gai honek beste artikulu oso baterako ematen duen, Xatakan argitaratutako artikulu honen irakurketa gomendatzen dizuegu: ‘CoronaMadrid abre el debate sobre si es necesario dar nuestros datos y perder privacidad para luchar contra el coronavirus‘.

Onarpen maila berarekin gure enpresaren jarduna eta datuak Google bezalako enpresen esku uzteko joera izan dezakegu, egoera honetan hain erraz eta eskueran dauden tresnekin ohitzen ari baikara (Google Drive esaterako). Baina jakin badirela telematikoki lan egiteko beste modu batzuk, teknologikoki askoz burujabeago izateko aukera ematen digutenak eta horietako bat da Nextcloud.

Esandakoa, zure negozioaren digitalizazioan eta telelanean nola aurrera egin ez badakizu eta batik bat soluzio libreek eskaintzen dituzten abantailez gehiago jakin nahi baduzu, jar zaitez gurekin harremanetan, ahal dugun moduan laguntzen saiatuko gara, balkoitik balkoira ari garen garai honetan, muga fisikoak gaindituko ditugu ordenagailuz ordenagailu, askoz askeagoa eta burujabeago izateko ahaleginean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Teknologia burujabetza kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude