Epai historikoa Grezian neofaxismoaren aurka: “Egunsenti Urrekara erakunde kriminala da”
Atenasko Apelazio auzitegian alderdi neofaxistako 60 kide baino gehiago eseri dira, horien artean Nikolaos Michaloliakos buruzagia. Epaia argia da: Egunsenti Urrekara ez da alderdi politikoa, erakunde kriminala baizik. Epaiketa berean Pavlos Fyssas 'Killah P' rap abeslari antifaxistaren hiltzailea ere zigortu dute.
Alderdi politiko ohian aritutako 68 pertsona auzipetu dituzte, Nikolaos Michaloliakos buruzagia barne, hilketa, erakunde kriminala eta beste delitu batzuk egotzita. Nazismoaren aurkako Nuremberg auzia izan zenetik epaiketarik handienetakoa izan da gaur amaitu dena. Atenasko Apelazio Auzitegiak asteazken honetan erabaki du Egunsenti Urrekarako buruzagitza, Michaloliakos buru, erakunde kriminal bat zuzentzearen erruduna dela.
Grezian eta mugimendu antifaxistan mugarri da epaia: Egunsenti Urrekara-ren zuzendaritzaren agindupean eta babespean egin zituzten krimenak haren kide eta militanteek. Michaloliakos eta Egunsenti Urrekarako beste sei buruzagi talde kriminala zuzentzeagatik erruduntzat jo dituzte eta beste hemezortzi pertsona erakunde kriminal horretako kide izateagatik zigortu.
Egunsenti Urrekara Greziako hirugarren indar parlamentarioa izatera iritsi zen, parlamentuko 300 eserlekuetatik 18 lortuta. Hala ere, Greziako azken hauteskundeetan, alderdiak ez zuen ordezkaritza lortzeko behar zituen botoen % 3 baino gehiago eskuratu.
'Killah P '
Grezian oso ezaguna den eta arrabots handia eragin zuen kasu bati buruzko zigorra ezarri dute epaiketan: 34 urteko Pavlos Fyssas "Killah P" rap abeslari antifaxistaren hilketa 2013ko irailean. Egunsenti Urrekarako kide Giorgos Roupakiasek aitortu zuen berak hil zuela labankadaz. Roupakias errudun jo dute eta bizi osorako espetxe zigorrari aurre egin beharko dio.
Atenasko Apelazio Auzitegiaren inguruan ehunka polizia bildu dira aurrean zituzten milaka manifestariren bueltan. Han bildutako antifaxistek kartzela zigor luzeak eskatu dituzte, "Beldurrak ez du irabaziko" eta "naziak kartzelan" zioten pankartak zeramatzatela. Epaiak jakitera eman ostean poza zabaldu da manifestarien artean. Ondoren, poliziek gas negar-eragileak bota dituzte jende artera.
Pavlos Fyssasen ama epaia jakin ostean:
«Τα κατάφερες γιε μου». Το ξέσπασμα της Μάγδας Φύσσα μετά την καταδίκη της Χρυσής Αυγής#οι_ναζι_στη_φυλακη #Εφετειο pic.twitter.com/x4bKqgAXUc
— Chris Avramidis (@chris_avramidis) October 7, 2020
Impresionante. Grecia antifascista.
No pasarán pic.twitter.com/ptH8Arx01e
— · Hibai Arbide Aza · (@Hibai_) October 7, 2020
Igandean Falange talde faxistak kontzentrazioa deitu zuen Gasteizen Hispanitate eguna ospatzeko, eta aurkako mobilizazioa deitu zuten talde antifaxistek. Hemeretzi pertsona atxilotu zituzten, denak ere antifaxistak. Piztutako istiluek erreakzio ugari sortu dute.
Igandean atxilotu zituen Ertzaintzak desordena publikoak egotzita, eta astelehenean aske utzi dituzte, Segurtasun Sailak jakinarazi duenez.
Igande goizean, urriak 12, mobilizazio ugari eta istilu handiak izan dira Gasteizen.
Eskuin muturreko taldeak Espainiako Estatu mailako deialdia egin du, eta dozenaka pertsona batu dira Probintzia plazan. 300 bat metrora deitutako mobilizazio antifaxistara ehunka pertsona batu dira. Istiluak izan dira, gazte antifaxisten eta falangisten artean zein, batez ere,... [+]
Espainiako Falangea alderdi faxistak ekitaldia egingo du Gasteizen urriaren 12an, “Hispanitatearen eguna” deitzen dutenean, Espainiaren batasuna goraipatzeko. Sare sozialetan zabaldu dutenez, 12:00etan elkartuko dira Probintzia Plazan.
Elkarrekin esnatzeko ordua (Susa, 2016) Kirmen Uriberen nobelan oinarrituta, Karmele pelikula zine aretoetan estreinatzear da Asier Altuna (Bergara, 1969). Lehen lurreratzea Donostiako Zinemaldian izan du, eta bertako ateak ireki orduko eman dio elkarrizketa ARGIAri, goizean... [+]
"Frankismoaren adierazpen zehatzen" eta "faxismoaren berrindartzearen kontra mobilizatzera eta antolatzera" deitu dute.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Lanaren Ekonomia irratsaioan faxismoaren gorakada aztertu dugu, munduan eta Euskal Herrian gertatzen ari dena.
Joan den abenduan gaztetxeak pintaketa nazi-faxistak salatu zituen ere, eta oraingo honetan “Stop LGTBI”, “Fuera degenerados” edota “No os dejaremos dormir” bezalako mehatxuak izan dira asteburuan Lakaxitako hormetan azaldu diren mezuak, diana... [+]