NBEren Segurtasun Kontseilua Gazan bahituta dauden israeldarrez mintzatuko da asteartean
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa "modu arruntean" sartzea ahalbidetzen badu. Israelgo Defentsa ministro Itamar Ben Gvir Jerusalemgo Meskiten Zelaigunean izan da, eta Gaza "guztiz okupatzea" eskatu du.
aurre egingo dieten hedabide independenteak
"NBEren Segurtasun Kontseiluko presidenteari hala eskatu ostean, biltzarra asteartean bilduko da Gazan bahituta jarraitzen duten israeldarren egoeraz mintzatzeko", iragarri du igandean Danny Danon Israelek NBEn duen enbaxadoreak sare sozialetan. Danonek salatu du gatibuak "gosez hiltzen" ari direla, eta azken egunetan Hamasek argitaratutako bideoek hala berresten dutela: izan ere, Hamas eta Jihad Islamikoa erakunde palestinarrek hainbat bideo kaleratu zituzten larunbatean, zeinetan Evyatar David y Rom Braslavski bahitu israeldarrak "egoera larrian" agertzen diren, Danonen arabera.
"Helburu propagandistikoekin argitaratutako gatibuen bideoak lotsagarriak dira, eta berehala aske utzi behar dituzte", exijitu zien David Lammy Erresuma Batuko Atzerri ministroak erakunde armatu palestinarrei larunbatean. Hamasen Al-Qassam Brigadetako bozeramaile Abu Obeidak adierazi du, ordea, bahituen egoera larria Israelek Gazara bidalitako laguntza humanitarioari ezarritako blokeoaren ondorio dela: "Gure borrokalariak eta gure herria jasotzen ari diren elikagai berak jasotzen ari dira [bahituak]. Gainera, Obeidak iragarri du Israelek Gazara laguntza humanitarioa "modu arruntean" sartzea ahalbidetu ezean, gatibuak ez dituztelako aske utziko.
Benjamin Netanyahu Israelgo lehen ministroak baztertu egin ditu Al-Qassam Brigadetako bozeramaileak egindako akusazioak, eta azaldu du Hamas dela Gazako palestinarrei eta bahituei laguntza humanitarioa jasotzea oztopatzen duena. New York Times egunkariak, Israelgo armadako hainbat jeneral iturri gisa edukita, joan den astean baieztatu zuen ez zegoela hori berresteko frogarik. Gazako Osasun Ministerioaren arabera, 2023ko urriaren 7az geroztik Israelek Gazako gutxienez 60.800 palestinar hil ditu, horietatik 170 inguru gosez.
Ben Gvirrek Gaza "guztiz okupatzea" eskatu dio armadari
Jerusalemgo Hiri Zaharreko Meskiten Zelaigunera –musulmanen leku sakratuetan hirugarrena da– eginiko bisita batean, Itamar Ben Gvir Israelgo Defentsa ministroak armadari eskatu dio Gaza osoa okupatzea eta Hamaseko kide guztiak handik kanporatzea: "Soilik horrela lortu daiteke zerrendaren gaineko kontrola eta bahituak askatzea". Gainera, Ben Gvirrek adierazi du israeldarrek hara migratzea sustatu behar dutela.
PAN Palestinako Autoritate Nazionalak salatu du Israelgo Defentsa ministroak Meskiten Zelaiguneari eginiko bisita "probokatzailea" dela: "Honek berresten du palestinarrek euren eskubideak suntsitzeko estrategia kolonial arrazista bat pairatzen dutela". Horrez gain, Hamasek azaldu du bisita mundu osoko musulmanen aurkako erasoa dela: "Israelgo kolonoek behin eta berriz eginiko erasoek ez dute lortuko Meskiten Zelaigunea judutarren leku sakratu bihurtzea".
Palestinarekin Elkartasuna manifestazioak deitu ditu Gasteizko, Donostiako eta Bilboko Aste Nagusietarako
Gasteizko, Donostiako eta Bilboko Aste Nagusiak abiatzeko egun gutxi falta direla, Palestinarekin Elkartasuna plataformak manifestazioak deitu ditu hiru hirietan, "palestinar erresistentziari" baldintzarik gabeko babesa ematen jarraitzeko: Gasteizen egingo dute lehen mobilizazioa, abuztuaren 6an 19:30ean Aldabetik hasita; Donostian abuztuaren 10erako deitu dute, 19:00etan Bulebarretik; Bilbokoa abuztuaren 15ean izango da, 19:00etan Eliptika plazatik.
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]