ARGIA.eus

2021eko maiatzaren 18a

"Nazkatuta gaudelako ikasleria martxan" aldarripean kalera atera da Ikama

  • Hego Euskal Herriko 19 hiri eta herritan egin ditu mobilizazioak Ikama antolakundeak, pandemian ikasleak jasaten ari direna salatu eta zerbitzu publiko euskaldun eta indartsuak aldarrikatzeko. Bihar ere mobilizazioak egongo dira. Izan ere, sektore publikoan greba dago deituta. Gainera, Ikasle Abertzaleakek, Ikasek eta UIBk ere kalera ateratzeko deia egin dute

ARGIA @argia
2021eko apirilaren 21a
Argazkia: Ikama

Hego Euskal Herriko hiriburuetan eta beste 15 herritan mobilizatzera deituta zeuden ikasleak, Ikamak antolakundeak deituta. Pandemian bizi duten egoera salatu dute mobilizazioetan, ikastetxeetan ezarritako neurriak eta aurretik zeuden eta egoerarekin sakondu diren arazoen aurrean ikasleek eskubideak aldarrikatu dituzte.

Besteak beste, ikasgeletako ikasleen kopuruak murriztea, kontrol sozialarekin amaitzea, osasun protokolo eraginkorrak, euskaraz ikasteko aukera, ikasleen hitzari jaramon egitea eskatu dute. Laster helduko sen azterketa garaiaz ere mintzatu dira, gaur egungo ereduak ikasleak beraien bizitzak albo batera utzi eta edukia buruz ikastera behar dituela salatuz.

Bihartik aurrera ere kalean egongo direla adierazi dute, ikasleen eskubideen defentsan eta Euskal Herriarentzako zerbitzu publiko indartsu eta kalitatezkoen alde. Bihar bertan EAEko zerbitzu publikoko langileek deitutako mobilizazioetan egongo direla adierazi dute.

https://twitter.com/IkasleriaMartxa/status/1384831197113683970?s=20https://twitter.com/IkasleriaMartxa/status/1384831197113683970?s=20

Bihar ere mobilizazioak

EAEko zerbitzu publikoetan greba eguna deitu dute bihar ELA, LAB, CCOO, Satse, Steilas eta ESK sindikatuek. Bilbon, Donostian eta Gasteizen egingo dituzte mobilizazioak, 11:30etan. Era berean, Ikasle Abertzaleakek ere mobilizazioak deitu ditu bihar EAEko hiriburuetan, hezkuntza publikoaren egoera salatu eta doakoa, unibertsala eta kalitatezkoa izango den hezkuntza aldarrikatzeko.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Ikasle mugimendua kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude