Hainbat Gobernuz Kanpoko Erakundek eskutitz bateratua idatzi dute. Espainiako Gobernua bultzatzen ari den abortu-legearen erreforma emakumeen osasun eta sexu-eskubideentzat "mehatxu larria" dela adierazi dute.
Sei GKE dira Espainiako justizia ministro Alberto Ruiz-Gallardoni abortu legearen aurreproiektua erretiratzeko eskatu diotenak: Alianza por la Solidaridad, Center for Reproductive Rights, European NGOs for Sexual and Reproductive Health and Rights, Population and Development (EuroNGOs), Federación de Planificación Familiar Estatal, Human Rights Watch eta Rights International Spain.
Legeak Espainiaren atzerakada ekarriko lukeela ohartarazi dute. Erreforma onartuko balitz, Espainia “Europar Batasuneko herrialde askok hartu duten joeratik urrunduko litzateke”, eskutitzean azaldu dutenez: “Giza eskubideak babesten dituzten hainbat erakundeen gaitzespena jasotzeko arriskuan jarriko litzake herrialdea”.
Giza eskubideen nazioarteko arauek abortu legala aitortzen dutela azaldu dute. Haurdunaldia etetea modu seguruan egitea emakumeen oinarrizko giza eskubidea dela gogora ekarri dute: “Emakume bakoitzak zenbat seme-alaba eduki nahi dituen erabakitzeko eskubide osoa du. Baztertuak ez izateko eskubidea dute emakume guztiek, berdintasun eskubidea dute”.
Espainiako Gobernuak emakume eta gazte orok abortu libre eta legalerako eskubidea izateko beharrezko neurriak hartu behar dituela adierazi dute erakundeek, eta horretarako beharrezko informazio guztia eskura eduki beharko luketela.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".