Nazioarteko hamabi adituk espetxe politika aldatzeko eskatu diete Espainiako eta Frantziako gobernuei neurri zehatzen bidez: Sakabanaketa politika bertan behera uztea, Parot doktrina indargabetzea, gaixo dauden presoak kaleratzea, Arnaldo Otegi askatzea eta elkarrizketarako espazio politikoa eratzea.
Eskariok Bakearen bidean presoen eskubideak errespetatu agirian jaso dituzte. Agiriaren hamabi sinatzaileek diotenez, "ETAren behin betiko jarduera armatuaren amaieratik 12 hilabete baina gehiago pasatu direnean, agertoki berriak aurrapausoak behar ditu; salbuespenezko neurriei amaiera emateko ordua da; neurri horiek alferrikakoak izateaz gain, kaltegarriak izatera pasatu dira. Jarduera armatuaren amaierari bake justu eta iraunkorrerako baldintzak sortzen lagunduko dioten neurri politikoekin erantzun behar zaio".
Madril eta Paristik ez dute erantzun.
Sinatzaileak
Piedad Esneda Cordoba Ruiz: Bakearen Aldeko Kolonbiarrak taldeko bozeramaile eta senataria.
Bill Bowring: Demokrazia eta Giza Eskubideen aldeko Europar Abokatuen elkarteko presidentea.
Nelly Maes: Europako Aliantza Askeko presidente ohia eta Flandriako Bake Institutuko presidentea.
Nora Morales de Cortiñas: Maiatzeko Plazako Amen elkartearen fundatzaileetakoa.
Essa Mossa: Afrikako Kongresu Nazionaleko Komisio Eratzaileko idazkaria.
George Mavrikos: Munduko Federazio Sindikaleko idazkari nagusia
Michel Tubiana: Giza Eskubideen Ligako ohorezko lehendakaria.
Alexander Moumbaris: Apartheidaren aurkako ekintzailea.
Alberto Franco eta Javier Giraldo: Apaiz misiolari kolonbiarrak.
Peter Madden: Derry-ko Igande Odoltsuko biktimak ordezkatu zituen abokatua.
Marjorie Cohn: AEBetako National Lawyers Guild elkarteko presidente ohia.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]