‘Naparra’ omendu dute Lizartzan eta desagertu zenetik 44 urte igaro direla oroitarazi

  • Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.


2024ko ekainaren 17an - 15:38
'Naparra' Donibane Lohizunen. Argazkia: Tala. Dani Blancok koloreztatua.
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Jose Miguel Etxeberria Naparra oroitu dute familiaren Lizartzako (Gipuzkoa) Igarolabekoa baserrian igandean, ekainaren 16an. Urtero bezala, desagerketa eta heriotza argitzea eskatu dute. Familiak ziurtatu du ez dutela amore emango gertatutakoari buruzko egia argitara atera arte. 1968ko Sekretu Ofizialaren Lege frankista indargabetzea eskatu du Eneko Etxeberria Naparraren anaiak, EITBn eginiko adierazpenetan.

Naparrari egindako oroimenean Eneko Etxeberriak 2014. urtean Nazio Batuen Erakundearen behartutako desagerpenen lantaldearen laguntza nabarmendu du eta erakunde honek Naparraren kasuaren gainean izango zirela ziurtatu zion familiari, Naizek jakinarazi duenez. NBEk jakinarazi zion familiari bortxaz desagerraraziko biktima baten senideak zirenez, eskubidea zeukatela egia jakiteko. Eneko Etxeberria Naparraren anaiak ARGIAn adierazi zuen nola bizi duen familiak urte guzti hauetan bere anaiaren kasuari buruzko egia jakiteko ezintasuna.

‘Naparra’ Komando Autonomo Antikapitalistetako kidea zen desagertu zenean, eta aurretik ETAko kide ere izan zen. Batallón Vasco Español (BVE) gerra zikineko taldeak honen bahiketa eta desagerraraztea aldarrikatu zituen eta ekainaren 30ean hil zutela eta Donibane Lohizuneko Txantako izeneko parajean lurperatu zutela adierazi zuen BVEk, Deia egunkariari jakinarazi ziotenez. 2017ko eta 2024ko apirilean, Frantziako Jendarmeriak Auzitegi Nazionalaren aginduarekin bi saio egin zituen Naparraren gorpua aurkitzeko, baina bietan ez zuten ezer aurkitu.


Kanal honetatik interesatuko zaizu: Guda zikina
2024-06-28 | Ahotsa.info
Sakanan torturak utzitako aztarna aitortzeko beste urrats bat eman dute ‘Arg(h)itzen’ dokumentalarekin

Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]


Bigarren saioan ere ez dute ‘Naparra’-ren gorpuzkirik aurkitu Landetan

Jose Miguel Etxeberria, Naparra, aurkitzeko bigarren saioak porrot egin du Landetako Mont de Marsan herriko inguruetan. Iruñean ostiral honetan egindako agerraldian horren berri eman dute Eneko Etxeberria Naparra-ren anaiak eta Iñaki Egaña Egiari Zor... [+]


Jon Anzaren desagerpenetik hamabost urtera, galderek erantzunik gabe jarraitzen dutela salatu dute

Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]


Torturatu eta hil zituztenetik 40 urtera, Zabala eta Lasa ez dituzte oraindik terrorismoaren biktimatzat hartu

Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.


2023-09-26 | Axier Lopez
Xabier Kalparsororen hilketa argitzen laguntzeko egitasmo herritarra aurkeztu dute

Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]


Gobernura iristean tortura geldiarazteko agindu zuela dio Belloch ministro ohiak

1993an Barne Ministro ere izendatu zuten Juan Alberto Belloch ordura arteko Justizia Ministroa zena. Orduan Guardia Zibilaren buruzagia deitu zuela esaten du El Periódico de Aragón-en egindako elkarrizketan, eta agindu zuela “sarera ihes egitea” bukatu... [+]


Hondarribiko Asturiagako segadan eraildakoak omenduko dituzte larunbatean

Larunbatean 49 urte beteko dira Espainiako poliziak eta Guardia Zibilak Jose Luis Mondragon eta Roke Mendez Asturiaga hondartzan hil zituztenetik. Omenaldia egingo dute hondartzan.


Bigarren saioan ere ez dute Pasaiako Sarraskiko poliziarik identifikatu

Joseba Merinoren familiak eta defentsak eskatu dute hilketen garaiko argazkiekin izan dadila hurrengo identifikazio saioa. Deituta zeuden hiru polizietatik bakarra agertu da, beste biak hilda baitaude polizien defentsaren esanetan.


Jaurlaritzak Zabalzari biktima izaera onartu arren, justiziak hirutan artxibatu du auzia

“Ikertzen ez bada, ezinezkoa da ebazpen judizialik egotea eta norbait inputatzea". Hitz horiexekin erantzun zion Lourdes Zabalza Mikel Zabalzaren arrebak Fernando Grande-Marlaska Espainiako Gobernuko Barne Ministroari, honek Senatuan Arturo Espejo Guardia Zibila inoiz... [+]


Espejo guardia zibila saritu izana justifikatu du Grande Marlaska ministroak

Mikel Zabalzaren atxiloketa eta heriotzarekin lotura izan duen Arturo Espejo Guardia Zibila teniente jeneral izendatzeagatik azalpenak eman ditu Barne Ministroak Senatuan. Grande Marlaskak erabakia defendatu du, EAJ-k eta Geroa Baik Mikel Zabalzaren familia berriz ere... [+]


2023-04-19 | Gatzaga taldea
Eustakio Mendizabal ‘Txikia’, abertzale belaunaldi baten mitoa

Luzaz iraunen du euskaldun askoren oroimenean 1973ko Ostegun Santu hark. Euskal erresistentzia armatuan ordurako mito bihurtua zen Txikia hil zuten eguna. Eustakio Mendizabal Benito Polizia espainolaren tiropean erori zen Euskadi Ta Askatasunako Fronte Militarreko bururik... [+]


Espainiako Estatuak torturatzaileak saritzen dituela salatu du Zabalzaren familiak

Mikel Zabalza Gogoan ekimenak Espainiako Estatuari leporatu dio tortura saritzea. Arturo Espejo Intxaurrondoko tenientea zen orbaizetarra torturatu eta hil zutenean, eta gaur egun Guardia Zibileko teniente jenerala da.


Mikel Zabalzaren heriotzan inplikatutako Guardia Zibil batek posturik altuenetako bat du erakundean gaur egun

Arturo Espejo Teniente Jenerala 2022an Laguntza Aginteko buru izendatu zuen Marlaskak. Guardia Zibilaren buruzagitzako lau kideetako bat da.


Pasaiako Badiako hilketak “operazio estrajudizial” baten ondorio izan zirela dio txosten ofizial batek

EHUko Unesko Katedrak osatu du txostena, eta Lakuari eman zion 2020an. Martxo honetara arte, ordea, biktimen senideek ez dute ikerketaren berri izan.


Eguneraketa berriak daude