ARGIA.eus

2020ko maiatzaren 26a

200 lagunek baino gehiagok eman dute izena Otaegiren kartzela zigorra txandaka betetzeko

  • Bi egunetan Nahikari Otaegiren kondena txandaka kartzelan betetzeko prest agertu dira 200 pertsona baino gehiago, ARGIAri Nahikari Aske ekimeneko iturriek baieztatu diotenez. Aranjuezko espetxean preso dago Otaegi, zortzi hilabeteko semearekin. Segiko kide izatea egotzita sei urteko kartzela zigorra ezarri zion Espainiako Auzitegi Nazionalak. Bere babesean sortutako plataformatik egoera salatzea eta kartzela egoera hobetzea dute helburu.

ARGIA @argia
2013ko ekainaren 19a
Nahikari Otaegi bere bi seme-alabekin.

Webgunean adierazi dute ekimenaren funtsa: “Nahikariren kartzela zigorra manifestuaren sinatzaileen artean banatuko litzateke, bakea eta giza eskubideen aldeko ekimen gisa. Nahikariren kartzela zigorrari dagozkion egunak beteko genituzke txandaka Nahikari gatibu dagoen amen moduluan, berak bere amatasuna espetxetik kanpo bizi dezan, seme-alaben ondoan”.

Ondorengoa onartu behar du atxikimendua ematen duenak, webgunean irakur daitekeenez: "Nahikariren kartzela zigorrari dagozkion egunak txandaka Nahikari gatibu dagoen Amen moduluan betzeko prest nago, berak bere amatasuna espetxetik kanpo bizi dezan, seme-alaben ondoan".

Ekimenetik jakinarazi dutenez, Euskal Herri osoko jendea ari da atxikimendua sinatuz bere burua eskaintzen, "gehien bat Bizkaia, Lapurdi eta Gipuzkoako jendea". Asteazkenean 16:00etan 221 ziren zerrendan izen emandakoak. Datozen egunetan zerrenda publiko egingo dutela jakinarazi dute eta atxikimenduak jasotzen jarraitzeko asmoa dute.

Nahikari Otaegiri sei urteko kartzela zigorra ezarri zion Espainiako Auzitegi Nazionalak 2011an, Segiko kide izatea egotzita. 2013ko apirilaren 26an zazpi hilabeteko bere alabarekin aurkeztu zen Aranjuezko espetxean, gelditzen zitzaion lau urte eta sei hilabeteko zigorra betetzeko. Hiru urteko semea du kartzelatik kanpo.

Twitter kontua ere sortu dute:

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: AskeGunea Donostia  |  Euskal preso politikoak

AskeGunea Donostia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude