ARGIA.eus

2021eko maiatzaren 06a

Nafarroako ostalariek sektorearen erreskatea eskatu eta manifestaziora deitu dute iganderako

  • Nafarroako ostalariek sektoreko kideak animatu dituzte "indarrak batzera", "entzun” diezaieten. Iruñean protesta egingo dute igandean, 12.00etan, Sarasate pasealekutik abiatuta.

Euskalerria irratia @fm983irratia
2020ko azaroaren 13a
Albiste hau Euskalerria irratiak argitaratu du eta Creative Commons BY-SA 3.0 lizentziari esker ekarri dugu.
Arg.: Euskalerria Irratia

Nafarroako ostalariek sektoreko kideak animatu dituzte "indarrak batzera", "entzun” diezaieten. Iruñean protesta egingo dute igandean, 12.00etan, Sarasate pasealekutik abiatuta.

Nafarroako ostalariek adierazi dute Nafarroako Gobernuak pandemia gelditzen saiatzeko agindutako azken neurriek lokalak "behin betiko ixtera" eramateko arriskua dutela. "Mugako" egoerara iristen ari direla diote: "Hasieratik jabetu gara egoeraz, baina oraingo murrizketek, muga egoerara eraman gaituzte, bai establezimendua zuzentzen duten pertsonak, baita bertan lan egiten dutenak ere”.

Ostalaritza elkarteek sektoreko 1.500 bazkide inguru biltzen dituzte, nahiz eta lurralde osoan 4.800 denda dauden. Manifestua argitaratu dute, "indarrak batu" eta "entzuteko" helburuarekin, sektorea "batzeko".

Hainbat eskaera planteatu dituzte, hala nola sektoreko egoeraren arabera erreskate plan "berehalakoa eta erreala", osasun arloko adierazpenek jarduera lizentzien arabera %100 irekitzea ahalbidetzen duten arte. Horrez gain, sektoreari eman zaion "irudi txarra" garbitzeko eskatu dute.

Era berean, udalei malgutasuna eskatu diete terrazak emateko eta gaur egun gauez bakarrik funtziona dezaketen lokalen lizentziei behin-behineko aldaketak egiteko orduan. Nafarroako Gobernuari eskatu diote aldez aurretik jakinarazteko ezarriko dituen neurriak, plangintza errazteko. Espainiako Gobernuari, besteak beste, enplegu erregulazio espedientean dauden pertsonei nominaren %100 eta autonomoen laguntza %100ean emateko eskatu dute, baita alokairuen ordainketak, maileguak eta halakoak etetea ere.

Horiek horrela, elkarretaratzeak eta bestelako ekintzak antolatuko dituzte, tokian-tokian. "Borroka hau aktibatzera animatzen zaituztegu, manifestu hau zabaltzera, bakoitza bere herrian edo bere auzoan", dei egin diete sektoreko kideei. Iganderako, azaroak 15, 12:00etan Iruñeko Sarasate pasealekutik abiatuko den manifestazioan parte hartzera ere animatu dituzte.

Ahotsa.info-k argitaratutako bideo honetan ikus liteke asteazken eguerdian Iruñean egindako mobilizazioa eta bertan adierazitakoa:

 

Albiste hau Euskalerria irratiak argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Ostalaritza  |  Nafarroa  |  Koronabirusa

Ostalaritza kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude