UGTk astearte honetan burututako Erantzunkidetasuna eta baimen berriak jardunaldietan ziurtatu dute Nafarroako lantokietan zaintzarako baimenak eskatzen dituztenen artean, oraindik, emakumeak direla nagusi: eskatzen diren baimenen %82 emakumeek eskatzen dituzte. UGTko idazkariordeak adierazi du egoerari buelta emateko garaia dela: “Haurrak zein adinduak zaintzeko lantokietan eskatzen diren baimenak emakumeek eskatzen dituzte gehien, eta horri buelta ematen hasteko garaia da”.  

UGTk uste du zifrak “oso tematiak” direla eta estatistikek erakusten dutenez, adingabeak edo adinekoak zaintzeko baimenak edota eszedentzia emakumeek eskatzen jarraitzen dutela gehienbat. Gaineratu du emakumeen eta gizonen arteko “soldata arrakala handia” dela, baina “egoera irauli beharra” dagoela. Horretarako, Antoñanzasek azpimarratu du “erantzunkidetasunaz hitz egiteko garaia” dela, eta baita “zaintza gizonezkoek ere eskaini dezaketela erakusteko unea” ere.