Osasun kontseilariak dio helburu hori “lehentasuna” dela Foru Gobernuarentzat. Nafar langileen %3,2 lan ezbeharren batengatik bajan egon da azkeneko sei hilabetean, estatuko daturik altuena, Contigo-Zurekinek salatu duenez. Talde guztiak “kezkatuta” agertu dira osoko bilkuran.
Espainiako Lan Ministerioaren datuen arabera, Nafarroan 6.265 istripu izan ziren lehen seihilekoan lanaldiaren bitartean eta in itinere. Ondorioz, "estatuko indizerik handiena duen lurraldea gara", leporatu zion Carlos Guzmán Contigo-Zurekineko bozeramaileak urriaren 26ko Osoko Bilkuran Fernando Domínguez Osasun kontseilariari. Izan ere, Foru Erkidegoan “laneko baja eragin zuten 319,8 lan istripu zenbatu ziren 10.000 langileko”. Hau da, Nafarroako langileen %3,2k baja profesionala hartu behar izan zuten, estatuko bataz bestekoak baino %1 gehiagok.
Gainera, aipatutako zenbakien eguneratzea aditzera eman zuen Contigo-Zurekineko politikariak: “Lan istripuen inguruko interpelazio hau erregistratu eta hilabete geroago, datu berriak ditugu, ministerioak emandako aurrerapenean oinarrituta, eta esan dezakegu Nafarroako istripuak 7.346ra igo direla dagoeneko". Jarraian, azpimarratu zuen "honek erakusten duela Nafarroako lan istripuen gorakada etengabea eta oso arriskutsua izaten ari dela".
Domínguezek ez zuen arazoa ukatu, eta honela erantzun zion Guzmani: "Laneko ezbeharrak lehentasuna dira prebentzioan eta tratamenduan parte hartzen duten eragile guztientzat”. Horregatik, “Nafarroako gizarteko sektore guztiek arazo larri honen aurrean duten kezka partekatzen dugu eta sektore guztien artean indarrak batzeko deia berresten dugu", onartu zuen kontseilariak.
Azaldu zuenez, Osasun Departamentuak eta, zehatzago, Osasun Publikoaren eta Lan Osasunaren Institutuak 2022-2025 Laneko Osasunaren Ekintza Plana abian jarri dute. Plan honetan jasotako ildo estrategiko nagusiak, besteak beste, honako hauek dira: "Lan istripuei, muskulu hezurduren trastornoek eta arrisku psikosozialek eragindako kalteen eragile diren laneko osasun arazoen arriskuak artatzea".
Era berean, "25 langile baino gutxiagoko enpresetan Administrazio Publikoaren aholkularitza lana indartzearen aldeko apustua egiten ari da, bai eta enpresen kudeaketan arriskuen kudeaketaren integrazioa bultzatzearen aldekoa ere, hierarkia osoa inplikatuz, zuzendaritzatik hasi eta langileenganaino”, jakinarazi zuen Domínguezek.
Beraz, planaren “arrakasta” bi faktoreren araberakoa dela azpimarratu zuen: “Lehenengoa, enpresarien eta zuzendarien konpromisoari lotutako kultura egokia eta, bigarrena, langileek enpresaren prebentzio sisteman beren kabuz eta kontzienteki parte hartzeko jarrera", esan zuen.
Ainhoa Unzuk (PSN) adierazi zuenez, Nafarroak "ezin du datu hauekin harro egon”, eta "hausnarketa sakona egin behar dute enpresek, sindikatuek eta erakunde guztiek”. “Ezinbestekoa da langileen heriotzen eta gaixotasun profesionalen etengabeko jario horrekin amaitzea", aldarrikatu zuen. Geroa Baiko Isabel Aranburuk adierazi duenez, lan ezbeharrei buruzko datuak "izugarriak" dira, eta "are gogorragoak atzerriko nazionalitatea duten langileentzako, 1,6 aldiz aukera handiagoa baitute lan istripua izateko".
Txomin Gonzalez EH Bilduko parlamentariaren ustetan, honen guztiaren kausa “osasun publikoak lan osasuneko arazoetara bideratu duen arreta historiko eskasa da”. Bestalde, UPNk, PPk eta VOXek gobernuari leporatu diote azkeneko bi legealdietan martxan jarri dituen prebentzio neurriak “eskasak” eta “alferrikakoak” izan direla.
Irunberriko etxe partikular batean lanean ari zela erorita hil da 42 urteko iruindarra. Sindikatuen esanetan, lan-segurtasun araudia "ez da betetzen" eta erantzukizunak argitzeko eskatu dute. LABen arabera, jadanik 42 dira Euskal Herrian lanean ari zirela hildakoak.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Istripu bat Ataunen (Gipuzkoa) gertatu da, abuztuaren 22an. Bestea Iurretan (Bizkaia) gertatu zen abuztuaren 14an.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Ezbeharra astelehen goizean izan da, eta gizonaren emazteak 13:23ean dei egin die larrialdi zerbitzuei. Bi biktimak bihotz-gelditze egoeran aurkitu dituzte, eta sorospenek ez dute lortu horien bizitza salbatzea. Umea herriko bizilaguna zen.
Itsasoan gertatutako istripu baten ondorioz hil da arrantzalea. Hunekin Aski itsasontzian lanean ari zelarik erreskatatu zuten gizona, larunbat arratsaldean. Erietxean hil zen.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.