Nafarroako Hezkuntza eta Osasun departamentuek aurkeztutako neurriak ez direla nahikoak uste du Hezkuntza Komunitateko foroak
Nafarroako irakaskuntzako sindikatu guztiek, guraso elkarteek eta ikasle taldeek osatzen duten Hezkuntza Komunitateko foroak «ikasturte osorako itzulera, segurua, aurrez aurrekoa eta elkarrekin adostua» izatea eskatu du eta horrekin batera «eskoletan osasuna bermatzeko» neurriak galdegin ditu.
aurre egingo dieten hedabide independenteak
Nafarroako Gobernuko Hezkuntza eta Osasun departamentuek joan den ortziralean jakinarazi zituzten ikasturte hasierako neurriak. Horien berri «prentsaren bidez» izan zuela adierazi du Hezkuntza Komunitateko foroak ohar bidez eta gaineratu duenez, «gaur egun, oraindik ez dugu neurrien edukia zehatz-mehatz ezagutzen». Prozesu horren funtsa eta forma «onartezinak» direlakoan dago, «ez baitugu bermerik edo koherentziarik ikusten ikasgeletara segurtasunez itzultzeko, ezta horretarako irizpide pedagogikorik eta emozionalik hartu denik ere».
Bereziki «kezka» sortzen die hezkuntza-premia bereziak dituzten ikasleen itzulerak, «zaintzaileen kontratazioa murriztu dutelako, indartu beharrean».
Nafarroako irakaskuntzako sindikatu guztiek osatzen dute foroa (LAB, Steilas, Afapna, ANPE, CCOO, ELA, UGT, SEPNA eta CSIF) , baita guraso elkarteek (Britila, Derpa, Sortzen, Gurasoak mugimenduan) eta ikasle taldeek ere (Ernai, Estudiantes en movimiento, Gora ikaslean borroka). Eta aitzineko astean adostutako puntuak berretsi dituzte:
- Negoziatzeko eta adosteko gaitasuna duen elkarrizketa-foro bat sortzea, bazterketarik gabeko hezkuntza-komunitateko eragile guztiak barne hartuko dituena.
- Irakaskuntza presentziala maila guztietan, hezkuntza-komunitatearekin adostutakoa, aukera-berdintasunean hezteko eskubidea bermatzeko eta klase telematikoen aldian nabarmendutako desberdintasunak orekatzen saiatzeko.
- Hezkuntza-ingurune segurua, langileen eta ikasleen osasuna bermatuz. Horretarako, honakoa eskatu du foroak:
► Ikastetxe bakoitzerako kontingentzia-planak, prebentzio-zerbitzuak eginak eta inplementatuak.
► Ratioak jaistea.
► Plantillak handitzea.
► Espazio alternatiboak planifikatzea.
► Babes berezia langile zaurgarrienei.
► Zentro bakoitzean lan-osasunaz arduratzen den pertsona.
► Osasun langileak ikastetxeetan.
► Irizpide pedagogikoak eta emozionalak lantzea.
► Ikasle zaurgarrienei arreta berezia eskaintzea.
► Langileen lan baldintzetan gibelera ez egitea.
► Behar izanez gero, baliabide teknologikoak jartzea ikasle eta irakasle guztientzat.
► Zerbitzu osagarriak (garraioa, jantokia, garbiketa...) egoerara egokitzea, erabiltzaileentzat eta langileentzat beharrezkoak diren bermeekin, eta beharrezkoak diren zerbitzuak handitzea.
► Sortzen diren egoerei aitzin egiteko kontziliazio-neurriak.
Neurri horiek guztiak «epe laburreko eta ertaineko plangintza batean zehaztea» nahi du foroak eta horretarako «behar diren inbertsioak» eskatu ditu. Neurriak ezarri arte aldakarrikatzen segituko duela ere azaldu du.
Unibertsitatera sartzeko azterketa eredu berria estreinatu eta gutxira, datorren ikasturterako azterketa berriz ere “goitik behera” aldatuko dietela eta probak eskakizun maila altua izango duela salatu du EAEko Historiako irakasle talde batek. Azterketa eredua... [+]
Kanbon egin duten urteko biltzar nagusian ontzat jo dute lizeo berriaren garapenari buruzko txostena. Donapaleuko ikastolaren ondoan egongo da, eta hasiera batean 180 ikasle hartu ahal izango ditu, Seaskako arduradunen arabera. Lizeo berriaz gain, urteko biltzarrean azken... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]