Nafarroako Memoriaren Institutuak, frankismoaren amaieran sortu eta 90eko hamarkadan gizartea astindu zuten kontzientzia-eragozpen eta intsumisio dinamiken 6.000 dokumentu batu ditu.
Artxibo historikoa lau atal nagusitan banatzen da: dokumentazioa, hemeroteka, kartelak eta memoria. Artxibo historikoa Bakearen, Bizikidetzaren eta Giza Eskubideen Zuzendaritza Nagusiaren webgunean kontsulta daiteke. Etengabe berritzen joango da, artxibo berriak sartuko baitituzte aurkitu bezain laster. Nafarroako Memoria Institutuarekin harremanetan jarriz gero, dokumentazioa edota pertsona partikularren bizipenak partekatu ditzakezu, INM@navarra.es emailaren bitartez.
Dokumentazioaren atalean, KEM-MOC, Kakitzat, Presoen Intsumisoen Batzarra, EHGAM, Carlos Rey, Iñaki Subiza eta Juanjo Morenoren 2.006 dokumentu-unitate kontsulta daitezke.
Hemerotekan, Iñaki Subizak antolatutako bilduma erakusten du eta 3.952 prentsa-ebaki aurkitu daitezke, goiburu eta argitalpen urtearen arabera antolatuta.
Kartelak eta eranskailuak atalean, Andoni Romeoren bilduma kontsulta daiteke; horien artean, kartelen eta eranskailuen 403 irudi nabarmentzen dira.
Memoria atala arakatuta, 16 elkarrizketa kolektiborekin gozatu ahalko dugu, baina atal hau maiatzetik aurrera egongo da webgunean.
Nafarroako Memoriaren Institutuak 2018an Pedro Oliver Gaztela-Mantxako Unibertsitateko irakasleari agindu zion ikerketari esker egin da dokumentuen bilketa. Bruno López ikertzaileak garatu, du Fernando Mendiola irakaslearen laguntzarekin.
1991n Alpeetan Ötziren gorpua aurkitu zutenetik, egoera oso onean kontserbatutako 5.000 urteko arrastoak ikerketa asko egiteko erabili dituzte. Hasieratik arreta eman zuten azalean zeuzkan 61 tatuajeek. Adituek uste zuten tatuaje horiek azalean ebaki txikiak eginda eta,... [+]
Esmirna (Turkia), 1647. Sabbatai Zevi rabinoak (1626-1676) bere burua mesias izendatu zuen. Autoizendatze horrek ez zuen une horretan oihartzunik izan. 1651n Esmirnatik egotzi zuten eta hainbat urtetan Grezian, Trazian, Palestinan eta Egipton ibili zen, noraezean. Baina 1665an... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]