Nafarroako D ereduko ikastetxe publikoetan azpikontratatzen diren zaintzaile batzuek ez dakite euskaraz
Nafarroako D ereduko ikastetxe publikoetan azpikontrataturiko zenbait zerbitzutan ez da euskara eskatzen, eta ondorioz, haurrekin zuzenean ari diren langile batzuek ez dakite euskaraz, adibidez autobusetako zaintzaileen artean. Hala salatu dute Behatokiak, Sortzen elkarteak eta hainbat gurasok.
Garraio zerbitzuen adibidea jarri dute: esleipenetan ez da hizkuntza irizpiderik ezartzen, eta euskaraz bizi eta eskolan euskaraz ikasten duten haurrei euskararen inolako ezagutzarik ez duten zaintzaileak egokitu dakizkieke. Nafarroa osoan gertatzen dela eta soluzio erraza duela gogoratu dute: zerbitzu hauetan euskara menperatzen duten profesionalak daudela ziurtatzea, hizkuntza-irizpideak kontuan hartzeak zerbitzu publikoen kalitatea bermatzea dakarrela ulertuta.
D ereduko ikasleekiko begirune eza salatu dute. Euren hitzetan, hezkuntzaz ari garelarik garrantzi berezia hartzen du euskaraz ikasten duten haurrei bideratutako zerbitzuetan eskaintza integrala euskaraz bermatzeak.
Kontratazio publikoetan hizkuntza-irizpideak aintzat hartzeko eskatu diote Nafarroako Gobernuaren Hezkuntza Departamentuari. Haur eta gazteen aisialdiari lotuta azpikontratatzen diren eskaintza guztietan ere euskarazko zerbitzua ziurtatuko duten neurriak hartzeko eskatu diote Departamentuari.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñerriko AEK, Iruñerriko IKA, Iruñeko Hizkuntza Eskola Ofiziala, Zubiarte euskaltegi Publikoa eta Iruñerriko Mintzakide egitasmoa berriz ere elkartu dira Iruñerrigo hirugarren Mintzodromoa antolatzeko. Geltokin izanen da hitzordua... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Lokizaldeako Euskararen Egunaren barnean Korrika Txikiak zeharkatu ditu Iturriagako inguruneak. Urteak direla hasi ziren eguna ospatzen, eremu ez-euskaldunean kokatuta zegoen eskualdean Korrikaren kilometroak erosteko. Giro ederrean gozatu dute egun osoko egitaraua.