Nafarroako AHTren "irregulartasunak" azaleratu ditu Madrilgo Justizia Auzitegiak
Nafarroako AHTak beharrezko duen Ingurumen Eraginaren Adierazpena baliogabetu egin du Madrilgo Justizia Auzitegi Nagusiak. Sustrai Erakuntza fundazioaren hitzetan, obrak legez kanpokoak direla erakutsi du epaiak.
Hain justu, Sustrai Erakuntza Fundazioak aurkeztu zuen hain justu aipatu adierazpenari buruzko helegitea, eta Madrilgo auzitegiak haren alde egin du. Epaiak dioenez, Castejon eta Iruñea arteko zatiaren Ingurumen Eraginaren Adierazpena iraungi egin da, eta jada ez du balio.
Horrek esan nahi du ingurumen kalteen inguruko txostenari buruzko prozedura hutsetik hasi beharko luketela berriro, Edurne Elizondo Berriako kazetariak nabarmendu duen bezala. Dena den, ebazpenaren aurka helegitea jar dezakete, Aritz Intxustak Naiz.info-n dioenez.
Sustrai Erakuntza Fundazioaren hitzetan, epaiak erakutsi du AHTren obrak legez kanpokoak direla, kontzesio eta desjabetzeak "erabateko irregulartasun egoeran" eman direla. Fundazioak gaur emango ditu sententziari buruzko azalpen gehiago.
Informazio gehiago:
Nafarroako AHTren inguruko txosten eguneratua, Sustrai Erakuntzaren webgunean.
Ataungo eta Idiazabalgo udaletan lan horiei buruzko dokumentazioa jaso dute orain gutxi. Iruñea eta Ezkio lotzeko trenbidea Lakuntza inguruan sartuko litzateke lur azpian eta Ataun alderik alde zeharkatuko luke. Altzania, Motasoro eta Atxurbiren azpitik pasako litzateke,... [+]
Larunbatean, Euskal Herriko hainbat txokotan AHTaren kontrako eguna izan zan. Oarsoaldeko eta Donostialdeko AHTaren kontrako mugimenduak bizikleta martxa egin zuen eta Errenteria eta Donostia artean. Letamanen amaitu dute martxa, bazkari eta egun osoko egitarauarekin.
Tren Publiko eta Sozialaren aldeko Arabako plataformek agerraldia egin dute asteazkenean Gasteizko Parlamentuan, AHTren trazadura tekniko alternatiboa aurkezteko.
Iñigo Urkullu Frantzia eta Portugalek Espainian dituzten enbaxadoreekin bildu da, AHTaren loturen eraikuntza mahai gainean jartzeko. Atlantikoko makroeskualde baten beharra adierazi du EAEko lehendakariak, eta Frantziari eskatu dio trenbide konexioa azkartzeko.