Nafarroa Oinez ospatu dute Altsasun
Iñigo Aritza ikastolak hartu du aurten Lesakako Tantirumairu ikastolak emandako lekukoa. Antolatzaileek eguna “zoragarria” izan dela esan dute “Nafarroa Oinez BIZItzeko”.
Eguraldia lagun, milaka euskaltzale eta ikastolazale bildu ziren Altsasun atzo. Euskara eta euskal kultura sustatzeko aukera paregabea nolanahi ere. Helburuak beteta, pozik agertu ziren antolatzaileak. Foruzaingoaren arabera, 40.000 lagun inguru izan ziren bertan, baina antolatzaileen arabera gehiago ere izango ziren seguruenik.
Erronkarik nagusiena inklusibitatea lantzea zuten Altsasuko ikastolako ehunka bolondresek. Horretarako, egun osoa aldarri ezberdinez josteaz gain, inklusibitatea jorratzeko tailer bat ere egin zuten. Jende andana gerturatu zen eta antolatzaileen aburuz “arrakastatsua” izan zen.
19 urteko ikasle ohi bat zendu zen goizaldean auto-istripuan
Goizaldeko 6:00ak aldera gertatu zen ezbeharra, Urdiainen. Altsasutik bueltan zetozen lau lagunak, eta hauen autoa Arakil ibaia gurutzatzen duen zubitik behera erori zen. Hildako 19 urteko gaztea, Mikel Apaolaza, autoaren gidaria zen.
Atzoko egunean ezin izan zuten ahaztu, beti presente izan baitzuten ezbeharrak utzitako samina. Atzoko ospakizunean tartetxo bat izan zuen Mikelek; omenaldia egin zitzaion haren familiari eta lagunei babesa eskainiz.
Albiste hau Guaixe.eus-ek argitaratu du eta CC-by-sa lizentziari esker ekarri dugu ARGIAra.
.jpg)
.jpg)
.jpg)
Albiste hau Guaixe.eus-ek argitaratu du eta CC-by-sa lizentziari esker ekarri dugu ARGIAra.
Etxarri Aranatzen, Andra Mari ikastolak antolatu du 2023ko Nafarroa Oinez, Hotsein lelopean. Festaz gain, bi aldarrikapenek hartu dute tokia: euskara ofiziala izatea Nafarroa osoan eta Euskal Herri osoan euskaraz bizi ahal izatea. Hurrengo Nafarroa Oinez Zangozako Ikastolak... [+]
Etxarri Aranatzeko Andra Mari Ikastolak aurkeztu du asteartean “Nafarroa osoan bai!” kantua, San Ferminetarako prestatu duten Oinez Txokoarekin batera. Joseba Tapiak konposatu du musika, eta Maddalen Arzallusek egin du letra.
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 16an jendetza bildu da Tafallan Nafarroa Oinez ospatzeko. Egunaren arrakasta nabarmendu du antolakuntzak, "bai bertaratu den jendearengatik, bai eta normaltasun osoz igaro den jaiegunarengatik ere". Eskerrak eman dizkie, batetik, Tafallan "euskara... [+]