Muxutruk.net sortu dute, nahi duzuna eman edo hartzeko webgunea
Zerbitzuak, objektuak, elikagaiak, tailerrak... hartu edo eman daitezke, nahitaez trukerik egin behar izan gabe. Kontsumo gizartearen aurkako alternatiba gisa sortu dute webgunea.
“Kontsumo gizarte honetan erosi, bota, erosi zikloa guztiz errotuta daukagu”. Hala diote Muxutruk.net webgunearen sortzaileek. Eta, preseski, horri aurre egiteko sortu dute Muxutruk ataria, bakoitzak nahi eta ahal duena eman edo jasotzeko.
Askotarikoak aurki daitezke bertan: arropa, lanerako tresnak, elikagaiak, liburuak, ikastaroak, rokodromoak, konponketa zerbitzuak... Zerbitzu ala objektu bakoitza non dagoen ere zehaztuta dago, eta eskaera egiteko formulario bat ere bai. Zerbait eskaintzeko izena eman beharra dago webgunean bertan. Zehaztu dutenez, gainera, ez du zertan truke bat izan behar: eman daiteke jaso gabe, eta eman gabe jaso. Eta guztia, noski, muxu truk.
Sortzaileen oharra:
Zeinek ez ditu jantzi bere arrebak edo anaiak erabilitako galtzak, edo zeinek ez ditu erabili zahartxeagoa den lehengusuaren eskola liburuak? Askori sobratzen zaizkigu kalabazinak udan eta azak neguan, bertze aunitzei aldiz erabiltzen ez dugun bizikleta armiarma sarez josten zaigu. Ez da gauza berria, horrelako egoeren aurrean bizilagunari edo edozeini gure gauzak eskaintzea. Aunitzetan ordea, irtenbiderik gabe usteldu edo bertzerik gabe armairuko xoko batean gelditzen dira betiko, bertze norbait gauza horiek erosten ari den bitartean.
Ideia horretatik sortzen da Muxutruk, gutako bakoitzak dauzkan gauza horiek eman edo utzi ahal izateko tresna izan nahirik. Baina, gauza materialetara mugatu gabe, edozer gauzagatik ordaindu behar den mundu honetan, aldi berean dena eman daitekeela uste baitugu. Zergatik ez eman masaje bat? Edo konponketa zerbitzu bat? Edo kontzertu bat?
Kontsumoaren gizarte honetan erosi, bota, erosi zikloa guztiz errotuta daukagu. Kontratu esklabuen menpe bizi gara kate horrek etenik izan ez dezan, lana eta aisialdiaren arteko muga oso garbi gelditzen delarik. Beste bizi eredu bat eraiki nahi dugu, bertan bakoitzak egitea gustokoen dituen lanak eskaintzeko aukera izanen du. Bakoitzak erabaki dezala zer egin nahi duen, noiz, zenbat eta nola. Azken finean, lana, gustura egiten denean plazer bat baita.
Bilatu armairuetako xokoak, hasi ganbarako trasteei begirada bat ematen edo apaletako liburuei hautsa kentzen. Ziur gauza horiek guztiek bigarren bizitza bat izan dezaketela. Jarri praktikan zure gaitasunak, eskaini norbaiti zure jakintza eta egin ezazu lana plazerretik. Bakoitzak ahal duen neurrian nahi duena eman eta har dezala.
Ongi etorri dirurik eta pribilegiorik gabeko, akatsez beteriko harreman sarera.
Albiste hau Topatuk argitaratu du eta ARGIAra ekarri dugu CC by-sa lizentzia baliatuta
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Europar Batzordeak 4.340 milioi euroko isunarekin zigortu du multinazional estatubatuarra, Android sistema eragilearekin oker jokatzeagatik.
Amazon banaketa konpainiaren Europako milaka langile greban daude gaur enpresak 'Prime Day' promozio bereziko egunak ospatzen dituela aprobetxatuz. Liburu eta diskoetatik hasita edonolako kontsumo gaien banaketa eta komertzializazioa kasik monopolizatu duen Amazoneko langileek soldaten igoera eta lan baldintzen hobetzea eskatzen dute.
Anonimatu elektronikoaren aldeko aktibismoan giltzarri den Zwiebelfreunde elkarteari material informatikoa eta dokumentazio fiskala konfiskatu dizkio poliziak, hainbat ekintzaile eta proiektu sustatzaileren datuak eskuratuz.
Sare sozialetan izandako kritiken ostean, Europar Parlamentuak atzera bota du egile eskubideen inguruko zuzentaraua erreformatzeko egindako proposamena eta irailera atzeratu ditu testuaren inguruko negoziazioak.
Europar Batasunak egile eskubideei buruzko proposamena bozkatuko du ostegun honetan. Onartzen bada, gaur egun ezagutzen dugun internet irekiari kalte handia egingo diola salatu du Wikipediak. Hain juxtu, Wikipedia bera arriskuan legoke.
Iametza interaktiboak, Ametzagaiña taldearekin batera, garatu du Egunean, irakurlea aktualitateari buruz egunean egoteko. Creative Commons lizentziapean zabaltzen diren edukiak soilik kontuan hartzea erabaki dugu, modu honetara zabalkunderako lizentzia hautu hori egiten duten hedabideak saritzeaz gain, informazioaren demokratizazioa bultzatzen dugu, egile eskubideekin egon daitezkeen arazoak saihestuz.
Zelata masiborako erabiltzen ziren zortzi eraikin identifikatu ditu The Intercept hedabideak. "Bijilantziari buruz azken urteetako konturik garrantzitsuena oraintxe argitaratu da, bertan argitu dute AT&T enpresa bilakatu dela interneten etsairik handiena, bere bezeroen eta zure pribatutasunaren aurka sekretuan kolaboratuz", Edward Snowdenen hitzetan.
Creative Commons lizentzien bertsio berrienak euskaratzeko prozesu ireki bati ekin diogu Ingurune Digitalean Euskara Sustatzeko Batzordean. CC BY-NC-SA 4.0 lizentziaren euskarazko zirriborroa ikusgai izango da webgune honetan. Itzulpena hobetzen lagundu nahi baduzu, bertara jo eta iruzkin bat utz dezakezu, 2018ko uztailaren 31 baino lehen. Beherago azaltzen dugu zergatik den hau inportantea.
Hiru urtean, erreferentziazko hiru liburu denda itxi dituzte Iruñean. Bakoitza arrazoi desberdinengatik, baina motibo ekonomikoak tarteko hiru kasuetan. El Parnasillo aurrena, Gómez gero eta berriki Auzolan, 40 urteko ibilbidearen ostean. Azken hori ixteko arrazoi gisara aipatu zituen Mertxe Zufia bertako kideak “liburu-merkataritzan gertatzen ari diren aldaketa bortitzak eta azkarrak”. Zeintzuk dira, ordea, aldaketa horiek? Eta panorama horretan, zer egin dezakete... [+]
Europar Batasuna “Merkatu digital bateraturako egile eskubideen direktiba” berria prestatzen ari da, Internet eta ezagutza librea arriskuan jar ditzakeen direktiba berria. Proposamena ekainaren 20 eta 21ean bozkatuko da JURI batzordean, eta uztaila eta iraila artean Europako Parlamentuan. Lege honek dituen hainbat neurrik sarearen neutraltasuna arriskuan jarriko du, hala nola adierazpen askatasuna, sareko elkarlana eta dibertsitatea. Europarlamentarioei eskatzen diegu besteak beste... [+]
