Mugak Zabalduz karabanak migrazio politikak salatu ditu Tenerifen eta Kanaria Handian egindako ekintzetan
Uztailaren 21ean Espainiako Gobernuaren Ordezkariordetzan egindako manifestazioan, Polizia Nazionalak pertsona bat atxilotuta izan du. Manifestariek protesta egin dute kidea askatu duten arte. Uztailaren 19an Kanaria Handian egindako ekintzan, zaldi kakaz estali dute Mugako Poliziaren egoitzaren ataria.
Mugak Zabalduz karabanak hainbat ekintza antolatu ditu Kanaria Handian eta Tenerifen Europak ezarritako migrazio politikak salatzeko. 350 pertsona gehitu dira mobilizazioetara, eta Euskal Herritik ere bertaratu da jendea. Manifestazioak, martxak eta hitzaldiak egin dituzte igandeaz geroztik. Astean zehar, migranteentzako kanpamentuetan atxikitakoek beren testigantzak zabaldu dituzte, eta Europarako bidean hil direnak ere oroitu dituzte.
Elkarteak otsailean esan zuenez, Kanariar Uharteetan azken hilabeteetan izandako egoera jasanezina da migranteentzat: “Espainiako Gobernua Lesbosen aplikatutako eredua aplikatzen ari da uharteetan ere”. Irlak “harresi” bat balitz bezala aurkeztu nahi dituztela salatu dute, “kanporatze kolektiboak erraztu" eta bertara heltzen direnak atxikitze zentroetan dauden bitartean “isolatu” nahi dituztela gaitzetsiz.
Kanaria Handiko Barranco Seco eta Tenerifeko Las Raíces kanpamentuen adibidea jarri du elkarteak mahai gainean. Tenerifeko zentroan sartzeari uko egin dio migrante talde batek, eta Europara bidaiatzen utzi arte egongo dira kanpoan lo egiten. Las Raíceseko baldintzak tamalgarriak direla salatu du Mugak Zabalduz elkarteak: “Janari gutxi, ur hotza, jende pilaketak, hotza eta mediku, abokatu eta itzultzaileen zerbitzu duinak jasotzeko ezintasuna”, poliziak emandako tratu iraingarriez gain. Médicos del Mundo elkarteak apirilean azaleratu zituen makro zentro horretan dauden baldintza eskasak, eta Espainiako Gobernuari eskatu zion esku hartzeko.
Migranteen eskubideen aldeko beste hainbat erakundek ere elkartasuna erakutsi diete zentroetako migratzaileei. Mugak Zabalduz elkarteak abagunetzat hartu du kasua protestak bi irletan egiteko. Astelehenean eta asteazkenean egin zituzten ekintza garrantzitsuenetako bi.
Atxilotu bat Tenerifen
Uztailaren 21ean, Tenerifeko Santa Cruzen egin zuten manifestazioa, gobernuaren ordezkariordetzaren parean. El Salto hedabideak zabaldutako informazioaren arabera, Polizia Nazionala oldartu egin zitzaien aktibistei, eta horietako bat atxilotu egin zuten. Manifestariak errepidean eseri ziren, bidea moztuz, laguna askatu zuten arte. Ostean, martxarekin jarraitu zuten.
Zaldi kaka Kanarian
Egun batzuk lehenago, Mugak Zabalduz elkarteak Kanaria Handian antolatu zituen ekintzak. Uztailaren 19an, asteazkenean, Mugako Poliziak Las Palmasen duen egoitzaren parean bildu ziren hainbat lagun, "Frontex-a zikina" dagoela irudikatzeko. Zaldi kakarekin estalitako bidexka osatu zuten eraikinaren atearen aurrean, eta migrazio politiken aurkako aldarria zabaldu zuten.
Alea komunikabideak bildu du elkarteak duen iritzia, Europako mugak kudeatzeko erabiltzen dituen metodoen inguruan. Aktibisten ustez, poliziek “nekropolitika” egiten dute, migranteak beren jatorri herrialdeetara bueltatuz: “Ugari dira salaturiko eskubideen zapalkuntzak”.
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Sahara hegoaldeko gizonak, emakumeak eta adin txikikoak zeuden txalupan. Merkataritza ontzi batek jitoan zebilen txalupa ikusi, soka bat lotu, eta laguntza eskatu zuen.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.