Mozal Legea ezarri diote LAB sindikatuari, lan heriotzak salatzeko ekintza batengatik

  •   300 euroko isuna jarri dio Espainiako Gobernuak, 2018ko apirilaren 27an Nafarroako Lan Ikuskaritza sinbolikoki okupatzeagatik.


2018ko azaroaren 14an - 16:25
(Argazkia: LAB)

LAB sindikatuak Twitter bidez azaldu duenez, okupazio sinboliko horren bidez aurreko urtean Nafarroan izandako 12 lan heriotzak salatu nahi izan zituzten, horretarako jantzi eta maskara gorriz sartu ziren ikuskaritzaren bulegora.

Espainiako Gobernuaren Nafarroako Ordezkaritzak emandako zigor ebazpenak dio, “herritarren segurtasuna larriki asaldatu” zutela ekintza horrekin, eta eraikina “kolapsatu” zutela.

Igandean bulegoa irekita?

Aitzitik, sindikatuak ebazpenaren hainbat akats nabarmendu ditu: jantzien kolorea, data… Ekintza apirilaren 29an izan zela diote poliziek, baina egun hori igandea zen eta bulegoa itxita zegoen.

Horrez gain, argazkien bidez erakutsi dute ez zutela inor oztopatu eta LABek garbi utzi nahi izan du aurrez pentsaturik bezala 12 minutu igarotzean joan zirela denak, inongo agindurik jaso gabe. Izan ere, Poliziak pertsona bat egin du arduradun.

“Sudur puntan jartzen zaiena erraten dute poliziek”, esan du sindikatuak amaieran.


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude