Moskuren aburuz Putin hil nahi izan dute, eta Kievek dio dena propaganda dela
Asteazken goizaldean Kremlinari eraso egin zioten bi droneekin Ukrainak Vladimir Putin hil gura zuela salatu du Moskuk. Ukrainak, aldiz, dena Moskuren antzerki bat dela dio, ondoren Ukrainaren aurkako eraso gogorragoak justifikatzeko.
Horiek dira dronen erasoen inguruko hipotesi nagusiak, baina, informazioaren gerran, badira gehiago ere. Ohikoan Ukrainaren aldeko jarrera argia duten Mendebaldeko hedabide ugariren esanetan, erasoa izan liteke Putinen aurkako errusiarrena ere; eta bada dioenik Errusiatik bertatik ari diren Ukrainako armadako kideak direla. Horietako hainbat hipotesi irakurri daitezke Courrier Internatinal-ek egiten duen hemeroteka lanean.
Alde bietan dozenaka milaka lagun heriotzera eraman dituen gerran, batak zein besteak izan ditzake arrazoi ugari arerioaren bihotza kolpatzeko. Hala ere, Putin hil nahi izan dute, Moskuk dioen legez? Putin hiltzea hori baino aski konplexuagoa da, baina akaso Kremlinari eraso egitea ez da horren gaitza, edo sikiera saiakeraren berri ematea, horrek Moskun segurtasun eza barreiatzen laguntzen duelako. Besteak beste, erakusten duelako ez direla behar misil interkontinentalak Kremlina jotzeko, eta lehergailuz kargatutako dron batzuk nahikoak izan daitezkeela helburu hori lortzeko.
Dronen hipotesiak
Mosku Ukrainatik 750 kilometrora dago, eta esaten da Ukrainako dronek 1.000 bat kilometro egiteko ahalmena dutela. Hala ere, pentsatzekoa da Kremlinera defentsa errusiarrak bota gabe heltzeko ahalmena izanda ere, nekez hilko dutela han Putin, mandatari errusiarrak aspalditik ez duelako bertan lo egiten. RIA Novosti albiste agentzia errusiarraren esanetan, Putinek Novo-Ogariovo-ko bere bunkerrean egiten du lan, Moskutik 25 kilometrora.
Jakina, nahi beste irakurketa egin daitezke dronei buruz. Washington Postek dioenez, adibidez, erabilitako dronek izaera komertzialekoak dira eta horiek ezin ditzakete oso hegaldi luzeak egin, horregatik uste dute Moskutik gertu samar dagoen leku batetik abiatu direla.
Kieven ustez, aldiz, dena Moskuren jokaldi bat da, bai errusiarren kohesioa lantzeko, eta baita ondoren Kiev hiriari edo agintarien egoitzei gogorrago eraso egiteko ere. Dakigunez behintzat, orain arte aldeek ez dute jo bi herrialdeetako goi agintaritzen aurka, baina Errusiak adierazi du jada, eraso honen ondoren “edonon” jotzeko zilegitasuna duela.
Propaganda operazioa dela esateko, Mendebaldeko hedabideetan aipatzen da sare sozialetan ikusten diren erasoaren irudiak Kremlinaren inguruko kamerek jasotakoak direla, horiek guztiak errusiar agintarien kontrolpean daudela eta ez liratekeela argitaratuko haien baimen barik.
Edozein kasutan, erasoa etorri da Ukraina bere erasoaldi handia hastekotan denean eta Errusiak Bigarren Mundu Gerraren garaipena ospatu behar duenean. Eta etorri da, halaber, Europar Batasunak joan den asteazkenean beste 500 miloi euro onartu dituenean Ukraina militarki laguntzeko, eta AEBek beste 300 milioi dolar.
Así ha sido el presunto ataque con drones al Kremlin que Rusia le atribuye a Ucrania pic.twitter.com/bHfgG43Rl1
— El HuffPost (@ElHuffPost) May 3, 2023
Emmanuel Macron Frantziako lehendakariak adierazi du 26 herrialde prest direla gerra amaitu ondoren Ukrainan indar militarra zabaltzeko, “lurrez, airez edo itsasoz” parte hartuz. Vladimir Putin buruzagi errusiarrak erantzun die ez duela horrelakorik onartuko, ez... [+]
600 misil eta dronetik gora bota ditu Errusiak Ukrainako hiriburuaren aurka. Gerra hasi zenetik egindako aire eraso handienetakoa da. Zelenskik nazioarteari eskatu dio erantzun dezala, Putin Trumpekin bildu eta bi aste eskasera.
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure... [+]
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]