Milaka bisitari batu ditu Lurramak

  • Milaka lagun batu dira Miarritzeko aretoan, laborantza herrikoiaren azokaren baitan. Klima aldaketaren erronkari begira jarri dira hiru egunez, sustatzen dabiltzan nekazaritza eredua aterabideen artean kokatuz.

Jenofa Berhokoirigoin @Jenofa_B
2019ko azaroaren 11
Lurramaren ugazamak: ValÚrie Masson Delmotte eta Paola Nano

Apairu, hitzaldi, merkatu zein baserriko abereen erakusketak, animazio guztietan egon da jende anitz. Aurten ere, balorapen baikorra egin dute antolatzaileek.

Klima aldaketaren erronkari begira jarri dira hiru egunez, sustatzen dabiltzan nekazaritza eredua aterabideen artean kokatuz. Arazo ekologikoaren oinarrian eredu ekonomiko liberal eta kapitalista dagoela argi ukanik, alternatiben biderkatzeko deia luzatzen aritu da Lurrama elkarteko lehendakaria, hasierako hitzartzetik haste: "Kontzientziak pitzaraz ditzala Lurramak, erabaki ausartak hartzeko indarra eta hauen gauzapenerako indarra emanez". Ondoan ukan du Valérie Masson Delmotte Klima Larrialdiari Buruzko Gobernu Arteko Taldeko lehendakarietako bat. Hau ere dabilela mezu bera zabaltzen: “Gure jakintzak plazaratzen ari gara, baina otoi jakintza horiek ekintzetara bideratzen lagundu behar gaituzue, denbora kontatua dugulako” deia luzatu die Masson Delmottek bertaratuei.

Funtsean, Didier Guillaume Frantziako Laborantza ministroaren bisita baliatu dute laborantza herrikoia lagunduko eta sustatuko duten neurri politikoen eskatzeko. Horrez gain, Laborantza eta Elikadurarako Egitura Publikoa sortzeko beharra ere azaldu diote.

Antolaketan arituriko 960 laguntzaileak eskertu ditu Lurrama elkarteak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Energia krisia  |  Ingurumena  |  Laborantza

Energia krisia kanaletik interesatuko zaizu...
Azkenak
EGILEA
Eguneraketa berriak daude