Mikel Zabalzari egindako torturez arituko dira Europako Batzordean
Mikel Zabalza torturatu zutela eta Intxaurrondoko kuartelean sistematikoki torturatzen zela frogatzen duen audioak argia ikusi ostean, kasua Europako Batzordera eramango du hainbat alderdi politikok. Espainiako Estatuan atxiloketetan ez dadin torturatu mekanismorik ba al duen galdetuko zaio Europako Batzordeari, besteak beste.
Bi bidetatik ailegatuko da Mikel Zabalzaren kasua Europara. Batetik, EH Bildu, EAJ, ERC, Junts eta Antikapitalistek hainbat galdera eramango dute. Tortura horien gainean zer dakiten eta zein iritzi duten galdetuko dute Batzordean, baita ea mekanismorik ez al dagoen Espainiako Estatuan atxiloketetan inor ez dadin torturatua izan.
Estrasburgoko Auzitegiak hamaika aldiz kondenatu du Espainia torturak ez ikertzeagatik, eta horietako zazpi kasutan Fernando Grande-Marlaska epaile zela aintzat hartuta, Batzordean galdetuko dute ea egokia al den Grande-Marlaska izatea Espainiako Barne ministroa.
Bestalde, Podemosek ere bere aldetik eramango du gaia Europara. Polizia-etxeetan egindako torturak ez ikertzea ea normaltasun demokratikoa ote den galdetuko du, eta epe batera ezkutuko dokumentuak desklasifikatzeko lege baten beharra jarriko du mahai gainean. Izan ere, Francoren garaiko Sekretu Ofizialen Legeak dio dokumentu bat desklasifikatu ahal izateko Espainiako Gobernuak baimena eman behar duela lehenik, eta horren ondorioa da sekretuan mantendu nahi dena ez dela desklasifikatzen.
Non dago Mikel? dokumentalak mahaigaineratzen duen zauri irekia ixteko egia eta justizia beharrezkoak direla dio Podemosek, “inongo biolentziarik errepikatuko ez dela ziurtatzeko”.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
MARTA PIKAZA GARAIGORTA (Laudio, 1968) Euskal Herriko Torturatuen Sareko kideak eta eskualdeko beste torturatu batzuek ekin diote Aiaraldean ekimena antolatzeari. Egingo dituzten urratsak eta helburuak azaldu dituzte.
Euskal Herriko Bilgune Feministak deituta elkarretaratzea egin dute Hernanin Iratxe Sorzabali elkartasuna adierazi eta "babes osoa" emateko. Inkomunikatuta egon zen uneak berriz ere epailearen aurrean kontatu behar izatea, "bizi izandakoak utzitako ondorioen... [+]
Ia mende batez, Euskal Herrian ez da belaunaldirik tortura ezagutu ez duenik. 1960tik 5.379 lagun dira ofizialki, baina askoz gehiago dira, publikoki torturatu gisa agertzeak min egiten duelako oraindik ere. Eta seguruenik, oinarri-oinarrian ez delako ezer aldatu. Polizia... [+]
Torturak jasan dituzten 900 lagun bildu dira Donostian Euskal Herriko Torturatuen Sarea aurkezteko, otsailaren 15ean. Ekimenak torturatuen bozgorailu izan nahi du, eta oraindik torturen berri eman ez duten herritarrak sarera batzera animatu dituzte. Eusko Jaurlaritzari eta... [+]
Otsailaren 13a Torturaren Kontrako eguna izanki, Euskal Herriko Torturaren Sareak gutun publiko bat igorri du. Poliziek torturatu euskal jendeen lekukotasunak bildu, eta aitortza egiteko xedea du sare berri horrek Euskal Herri osoan. Torturatuak izan diren 5.000 pertsonei... [+]
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
“Ahots propioa duen sare bezala” gorpuztuta, eta torturatuen aitortza eta erreparazio publiko, sozial eta ofiziala helburu, otsailaren 15ean eratu eta aurkeztuko du bere burua Euskal Herriko Torturatuen Sareak. Tortura jasan duten 700 pertsona baino gehiagorekin... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]