Mikel Zabalza estatu indarkeriaren biktima gisa aitortu du Jaurlaritzak

  • Mikel Zabalzaren senideek omenaldia eskaini diote igandean Orbaizetako Lorentxo baserrian. Han izan dira Eusko Jaurlaritzako eta Nafarroako Gobernuko ordezkariak ere. Jaurlaritzak biktima gisa aitortu du Zabalza, senideei legez dagokien kalte ordaina pagatzearekin batera.


2022ko otsailaren 28an - 10:28
Mikel Zabalza omendu dute asteburuan Orbaizetan / Eusko Jaurlaritza

Mikel Zabalza zenaren senideek eskatu zioten Jaurlaritzari hura biktima gisa aitortzeko, eta eskaera aztertu duen Balorazio Batzordeak aldeko ebazpena argitaratu du. Berdintasun, Justizia eta Gizarte Politiketako sailburu Beatriz Artolazabalek, igandean eman dio famliari "1978ko abenduaren 29tik 1999ko abenduaren 31ra bitartean, bizi izandako motibazio politikoko indarkeriaren testuinguruan, bere giza eskubideak urratzearen biktima dela onartzen duen ebazpena", Jaurlaritzak azaldu duenez.

Balorazio Batzordeak Eusko Jaurlaritzari eta Eusko Legebiltzarrari gomendatu die "Estatuko erakundeetara jo dezatela, zentzu berean jardun dezaten, aztertutako gertakarietan Segurtasun Indar eta Kidegoek duten erantzukizuna kontuan hartuta". Artolazabalek Orbaizetan azaldu duenez, "gaur egun oso berezia da, Mikel Zabalzaren egiaren bidean urrats garrantzitsua eman dugulako". Dioenez, "diktamenak hitzez hitz aipatzen duen bezala, behar bezala egiaztatuta geratu direla bai 1985eko azaroaren 26tik abenduaren 15era bitartean gertatutakoak, bai Estatuko eta Guardia Zibileko agenteen inplikazioa".

Senideen ustez, bestalde, aitortzarena "aurrerapauso handi bat". Adierazi dute euren helburu nagusia anaiari buruz "egia jakitea" dela, Berriak jaso duenez: "Ezin dugu orria pasa egiarik ez badago".

Omenaldian izan dira ere Juana Balmaseda Balorazio Batzordeko presidentea, Nafarroako Gobernuko Herritarrekiko Harremanetarako sailburu Ana Ollo Hualde, Orbaitzetako Udaleko ordezkariak eta Mikel Zabalza Gogoan plataformako kideak, besteak beste.

Guardia Zibilak 1985eko azaroaren 26ko goizaldean atxilotu zuen Zabalza. Hemeretzi egun desagertu ondoren hilda agertu zen.


Kanal honetatik interesatuko zaizu: Guda zikina
‘Naparra’ omendu dute Lizartzan eta desagertu zenetik 44 urte igaro direla oroitarazi

Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.


Bigarren saioan ere ez dute ‘Naparra’-ren gorpuzkirik aurkitu Landetan

Jose Miguel Etxeberria, Naparra, aurkitzeko bigarren saioak porrot egin du Landetako Mont de Marsan herriko inguruetan. Iruñean ostiral honetan egindako agerraldian horren berri eman dute Eneko Etxeberria Naparra-ren anaiak eta Iñaki Egaña Egiari Zor... [+]


Jon Anzaren desagerpenetik hamabost urtera, galderek erantzunik gabe jarraitzen dutela salatu dute

Duela hamabost urte desagertu zen euskal militantea. Baionan Tolosarako (Okzitania) trena hartu eta ez zen berriz agertu. Hortik hamaika hilabeteetara atzeman zuten bere gorpua Tolosako (Okzitania) gorputegian. "Egia jakiteko eskubidea" aldarrikatu dute Anza zenaren... [+]


Torturatu eta hil zituztenetik 40 urtera, Zabala eta Lasa ez dituzte oraindik terrorismoaren biktimatzat hartu

Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.


Eguneraketa berriak daude