Mikel Ibarguren idazlea atxilotuta eduki dute bost migratzaileri laguntzeagatik muga igaro ondoren

  • Frantziako Poliziak atxiki zuen ostiralean, Gipuzkoa eta Lapurdi arteko muga zeharkatu zuten bost etorkin furgoneta batean hartu eta gero. Bidarten geldiarazi zuten ibilgailua: migratzaileak Irunera itzularazi zituzten eta gidaria Hendaiako komisarian eduki zuten hurrengo egunera arte.


2022ko urtarrilaren 24an - 09:14
Azken eguneraketa: 10:19
Artxiboko irudian, Bidasoa ibaiaren ondoan muga pasatzeko une egokiaren zain Afrikatik etorritako bost herritar, Irunen / Argazkia: Gari Garaialde ( CC-BY-NC-ND )

Mikel Ibarguren idazlea eta preso ohia atxilotu du Frantziako Poliziak pasa den ostiralean eta Hendaiako komisarian atxikita eduki dute larunbat arratsaldera arte, NAIZ hedabideak informatu duenez.

Ibargurenek azaldu duenez, Biriatuko bidesaritik hurbil bost migratzaile ikusi zituen urtarrilaren 21ean, errepide bazterrean, eta furgonetan hartu zituen, Baionako Pausu zentrora eramateko: “Tamalez lehenagotik ere gertaera larriak bizi izan ditugunez etorkinekin, pentsatu nuen pertsona horien segurtasuna bermatze aldera onena zela”. Ez ziren hara iritsi, ordea, Bidarte inguruan atzeman baitzituen Poliziak.

Ibarguren artxiboko argazki batean. (Dani Blanco)

Migratzaileak Irunera bueltatu zituzten, baina Ibargurenek baieztatu duenez, ordu batzuk geroago gazteek lortu zuten Baionara ailegatzea. Gidariak Hendaiako komisarian igaro zuen gaua, urtarrilaren 22 arratsaldean libre utzi zuten arte. Salatu duenez, atxiloaldian ikusi zuen poliziek elkartasun sareak zelatatzen dituztela. “Trafikanteen aurka jotzearen aitzakiaz elkartasunez jarduten duten herritarren ekimenak kriminalizatzeko saiakera martxan egon daiteke”, azaldu du.

Izan ere, zenbait elkartek salatu izan dute herritar sareen aurkako jazarpena, eta gogorarazi bereizi egin behar direla diruaren truke migratzaileekin negozioa egin nahi duten pertsonak eta gizatasunez eta elkartasunez jarduten duten boluntarioak.

Informazio gehiago:

- Irakurri 2008an ARGIAn Mikel Asurmendik eginiko elkarrizketa: "Ez nagoen lekukoa nauk"

- Irakurri 1996an ARGIAn Maite Artolak eginiko elkarrizketa: "Nola edo hala maitatzen segitu behar eta poesia izan da modua"


Kanal honetatik interesatuko zaizu: Migrazioa
Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Lotsaren ituna

Duela aste batzuk Bartzelonan batu ginen Mugak Zabalduz karabanaren aurtengo ibilbidea eta helburua zehazteko asmoz. Uztailean Trieste eta Balkanetako mugara joango gara, berriro ere (bederatzigarren edizioa da) Europak sustatzen duen migrazio-politikak sufrimendua eta heriotza... [+]


Materialismo histerikoa
Atzerritar

Eta mugak igarota ere zer, muga azalean geratzen da, eta betirako, etengabe, da atzerritar barruan muga daramana, hain atzerritar, ezen ez duen guztiz pertsona ematen. Ezen hori baino ez dugun ikusten, hemengoa izanik ere bai, askotan, ijitoa bada, adibidez, atzerritarra... [+]


Frontexek bazekien ‘Adriana’ ontziko migratzaileak arrisku larrian zeudela, baina ez zuen ezer egin

Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]


Eguneraketa berriak daude