Mikel Barrios askatzeko eskakizuna errefusatu du Parisko Dei Auzitegiak
Ekainaren 29tik espetxeratuta dago nafarra, eta Parisko Dei Auzitegiak berretsi egin du bere espetxeratzea, askatasun eskaera ez onartuz.
Mikel Barrios euskal preso politikoa askatzeko eskaerari ezezkoa eman dio Parisko Dei Auzitegiak astelehen honetan, zigortzen zuen epaia berretsiz. Iragan ekainaren 29an espetxeratu zuten Mont de Marsango kartzelan, bost urteko zigorra bete dezan.
Bake Bidea elkarteak erabakia "neurrigabea eta ulertezina" dela adierazi du, Euskal Herriko egungo testuinguru politikoa kontuan hartuta. “Tresna juridikoak errealitate berrira egokitzea ezinbestekoa da”, azpimarratu dute elkarteko kideek.
Era berean, irailaren 19rako antolatutako mobilizazioetan parte hartzeko deia egin diote Euskal Herriko gizarteari. "Zigorra hiltzeraino bete? 30 urte aski da" lelopean egingo da manifestazioa, Jakes Esnal, Ion Parot eta Xistor Haranburu presoen alde.
Bizikleta martxa
Mikel Barriosen askatasuna aldarrikatuko du Arrosadiako Sarek irailaren 4tik 6ra antolatutako bizikleta martxan. Goizeko 8.30ean hasiko da Iturgoienen, eta Alduden bukatuko da lehen etapa, afari batekin. Bigarren etapa, berriz, Aldudetik Lahontanera izango da eta Itsasun, azken urteetan Mikel Barrios bizi izan den herrian, bazkaria egingo dute. Azkenik, Mont de Marsan presondegiraino helduko da martxa, eta ondoren Elkartasun Eguna ospatuko dute Itsasun.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.