Miguel Sanz, ate birakarien lehendakari: urtero 114.000 euro poltsikoratzen ditu

Maddi Txintxurreta @mtxintxurreta
2018ko martxoaren 05a
Miguel Sanz, Nafarroako Gobernuko eta Nafarroako Kutxako presidente ohia (Arg: Noticias de Navarra)

Hogei urte daramatza Nafarroako goi mailako politikan murgilduta, eta duela zazpi urte utzi zuen presidente kargua Miguel Sanzek. Espainiako Poliziaren Delitu Ekonomiko eta Fiskalen Unitatea (UDEF) Sanzen diru-sarreren jatorria ikertzen hasi zen 2015ean, Nafarroako Kutxaren desagerpenaren auziaren barruan. Ikerketa bukatzen ari den honetan, poliziak ebatzi du 2011 arte Nafarroako Kutxako presidente izan zenaren diru-sarreretan ez dela legez kanpoko zantzurik aurkitu. Alabaina, hain da zehatza UDEFek landutako txostena, Miguel Sanzen jardun profesional zein pertsonala ezagutzea ahalbidetzen baitu.

Miguel Sanzek 2011n utzi zuen Nafarroako Gobernuko presidentetza, hautagaitza UPNko Yolanda Barcinari esleituta, eta bere bidea enpresagintzara bideratu zuen: Audenasa (Autopista de Navarra SA) enpresatik 13.016 euro jasotzen zituen, Nafarroako Gobernuak %50aren jabetza duen kontseiluan aritzeagatik. 2012an, Bodega de Sarriako presidente bihurtu zen, eta bertatik 17.000 euro jaso ditu urtero.

Poliziaren txostenak azaltzen duenez, 2011ko abenduaren 15 eta 2016ko uztailaren 5a artean Sanzek 192.333.13 euro jaso zituen.

Nafarroako presidente ohiak eraikuntzatik bideratzen du diru-sarreren kopuru handi bat. VDR enpresak nominan jarri zuen Sanz, eta 2013ko urtarrilaren 10etik 2.560 euroko ordainketa jaso du hilero. Ordainketa  hau hileroko 1.590 eurora murriztu zen 2016ko martxotik aurrera.

Aipatutako diru-sarrera guztiez gain, Miguel Sanzek bestelako bitartekoetatik ere jasotzen zituen ordainketak. 2005 eta 2015 artean, 36.600 euroko hamar sarrera jaso ditu eskudiruan, gehienak 2013tik 2015era; eta 2012tik 2016ra 14.064 euroko hamabi sarrera txeke bidez. Sarrera hauek guztiek ez dute kontzepturik agirietan.

Bestalde, 2005etik aurrera, Nafarroako Kutxako kontseilarien dietak hazi ziren bilera informatiboei esker: urte horretan bertan, Sanzek 10.381 euro jaso zituen sei hitzalditara joateagatik. Azkenik, poliziak 36.321 euroko diru-sarrerak aurkitu ditu 2001 eta 2004 artean, enpresa desberdinetako partizipazioen eskutik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Nafarroako politika  |  Nafarroa

Nafarroako politika kanaletik interesatuko zaizu...
2018-09-19 | Ahotsa.info
Behin-behineko irakasleen prekarietatea salatu dute sindikatuek Nafarroako Hezkuntza Departamenduaren aurrean

Joan den astean N-121A errepidean istripuz hildako irakaslearen heriotza salatu dute sindikatuek, Nafarroako Hezkuntza Departamentuaren egoitzaren aurrean. Ostegunean gertatu zen ezbeharra, Ataungo 26 urteko emakume bat hil zen auto istripuz, Beran, lanera zihoala.


2018-09-17 | Nahia Ibarzabal
Aldaketaren alderdiak berriz aterako lirateke irabazle Nafarroan

Nafarroako Legebiltzarreko hauteskundeetan, Geroa Bai igo egingo litzateke eta EH Bilduk eta Izquierda-Ezkerrak aulki kopurua mantenduko lukete. UPN jaitsi egingo litzateke eta Alderdi Popularrak aulki gabe gelditzeko arriskua izango luke, Ciudadanosek bereak hartuta.


2018-09-12 | Hamaika Telebista
Aldaketaren alderdietan arrakalak eragin dituzte Maravillas gaztetxearen inguruko gertaerek
MULTIMEDIA - erreportajea

Gaztetxeen loraldi bat eman da azkenaldia Nafarroan. Iruñeko Alde Zaharreko Maravillasekin batera, Arrotxapean, Tafallan, Lizarran, Burlatan, Berriozarren edota Mendillorrin sortu dituzte gaztetxeak. Horietako gehienetan, Udalekin egindako akordioei esker aurrera atera dira proiektuak. Maravillas gaztetxearen inguruko gertaerek, Gobernua sostengatzen duen laukoan arrakalak eragin ditu.


2018-09-12 | Xabier Letona
Maravillas Gaztetxeari oroimen historikoa manipulatzea leporatu diote 50 lagunek

Oroimen historikoaren alorrean lanean ari diren hainbat pertsonak eta 36ko Gerran fusilatutakoen hainbat senitartekok "Oroimen historikoaren aldeko eta manipulazioaren aurkako manifestua" sinatu dute. Idazkia Iruñeko Maravillas gaztetxeak irailaren 27ko Gudari Eguna dela-eta antolatutako ekitaldien harira etorri da.


2018-09-07 | Xabier Letona
Sei milioi euroko hobekuntzak hirirako eta berradiskidetze printzak Iruñeko Udalean

Iruñeko Udalak ostegunen ia sei milioi euro onartu zituen hirian hainbat proiektu aurrera ateratzeko edo auzoetan hobekuntzak egiteko. Oraingoan UPN bakarrik geratu da ezezkoan eta gainerako indarrek bat egin zuten Udal Gobernuaren proposamenarekin.


Nafarroako Legebiltzarrean PPko kideei gaztelaniaz zuzentzeko eskatu dio Beltranek Aznarezi

Ana Beltrán PPko bozeramailearen iritzian "aldatzeko unea da". Batzuetan euskaraz zuzentzan zaie Ainhoa Aznarez Legebiltzarreko presidentea, eta denentzat ari denean ere euskaraz egiten omen du gehien. Horregaitik, beraiei ari denean "beti gazteleraz" egiteko eskatu dio, idatziz.


2018-09-02 | Xabier Letona
Maravillas, gaztetxe bat hauteskundeen zurrunbiloan

Maravillas gaztetxea hustea pentsatutakoa baino arazo gehiago ekartzen ari da Nafarroako politikara. Gisa honetako hamaika auzi ikusi ditugu azken hamarkadetan han-hemenka, baina hemen arazoak aldaketaren alderdien arteko harremanak biziki estutu ditu. Dagoeneko denak dira datorren maiatzeko foru eta udal hauteskundeei begira.


Enpleguaren sustapena, osasunerako sarbide hobea eta absentismoa gutxitzea, ijito herriarentzako Garapen Estrategian

Nafarroako biztanle ijitoen garapenerako 2018-2021erako estrategia aurkeztu du Nafarroako Gobernuak, bereziki 30 urtetik beherakoengan zentratuz. Inklusioa izanen du ardatz eta transbertsala izanen da.


2018-08-31 | Xabier Letona
Florentino Pérezek Pirinioetako autobidea saldu nahi du, sagar bat bezala

Joan den astean jakinarazi zuen El Economista-k Florentino Pérezek ACSko 1.500 bat kilometro autobidea salduko zituela Espainiako Estatuan, horien artean Iruñea eta Jacaren artean egiten ari diren A-21 edo Pirinioetako autobidea.


ETB3 Iruñerriko telebistetan ikusiko da irailetik aurrera

ETB2, bestalde, Nafarroa osoan ikusiko da lurreko telebista digitalaren bidez.


Azkenak
EGILEA
Eguneraketa berriak daude