Migratzaileek salatu dute gurutze bat marraztuz markatu, umiliatu eta jo egin dituela Kroaziako poliziak
“Buruan eta aurpegian gurutze gorri eta laranjak marraztu zizkiguten sprayarekin. Arropa eta zapatak kenduarazi, gure dirua eta mugikorrak lapurtu eta ilaran jarri gintuzten. Borraz eta makilaz jo ziguten. Ondoren, mugan dagoen ibaira bota gintuzten eta ez itzultzeko esan ziguten. Ibaia gurutzatu eta Bosniako lurretan ginenean ere, Kroaziako poliziak tiro egin zuen zazpi aldiz”. Latza da migratzaileek egin duten salaketa.
Maiatza hasieran gertatu zen, baina orain ari dira ñabardurak argitara ateratzen. Kroaziako poliziarengandik 30 bat migratzailek jasotako tratu txarrak kontatu dizkiote Danish Refugee Council (DRC) gobernuz kanpoko erakundeari. Migratzaile gehienak Pakistan eta Afganistangoak dira eta tartean bada adin txikikorik. The Guardianek jaso du salaketa.
Hori guztia egin bitartean, poliziak barrezka eta txantxetan ari zirela eta garagardoa edaten ari zirela azaldu dute biktimek.
Kroaziako Gobernuko Barne Ministeritzak oharra atera du, salaketa horiek gezurtatuz, nahiz eta ikerketa abiatuko dutela iragarri. Oharrean aditzera ematen du migratzaileek “testigantza faltsuak” eman dituztela “beren helburuak lortzeko”.
Aurrekariak
Kroaziatik Bosniara bortxaz itzularazi dituzten migratzaileen kasuak ugariak dira. Apirilean bakarrik, 1.641 kasuren berri eman zuen DRC erakundeak. Horietatik gehienek salatu dute Kroaziako poliziak euren gauzak lapurtu eta erre egin dizkietela eta erdiak baino gehiagok azaldu du eraso fisikoak jaso dituztela.
Europar Batasunari presioa
Eurodiputatu batzuk presioa egiten ari dira Bruselan, salatu diren erasoak ikertu daitezen. Horretarako batzorde bat lehenbailehen sortzea eskatu dute.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]