Migratzaile batek bere buruaz beste egin du Donostian, Jaurlaritzaren tutoretzapeko etxe batean
Eusko Jaurlaritzaren Berdintasun, Justizia eta Gizarte Politiketako pisu batean zegoen 18 urteko marokoarra. Hezitzaile batek eta pisukide batek hilda aurkitu dute bere logelan: "Zantzu guztiek bere buruaz beste egin ahal izan zuela erakusten dute", azaldu du Jaurlaritzak.
Donostian Eusko Jaurlaritzaren tutoretzapean dagoen etxebizitza batean, migratzaile batek bere buruaz beste egin du. Gizarte Politiketako sailetik azaldu dutenez, 18 urteko marokoarra zen eta asteazkenean izan zuten horren berri: "Gaztea logelan sartu eta hezitzaile bat haren bila joan zen arte 15 minutu soilik igaro ziren. Hezitzaile honek eta pisukide batek erreanimazio lanak hasi zituzten arren, ezin izan zuten bere bizitza salbatu", dio Jaurlaritzaren oharrak.
Gaztea joan den abendutik bizi zen etxe horretan, aurretik Ibaiondoko zentrotik igaro ondoren. Gorpua Marokora aberriratzeko tramiteak hasi dituzte jadanik, bere familia han bizi baita. Beatriz Artolazabal Berdintasun, Justizia eta Gizarte Politiketako sailburua etxebizitzan izan da "doluminak" emateko eta Eusko Legebiltzarreko Justizia Batzordeko taldeetako bozeramaileekin ere bildu da kasuaren berri emateko.
Ez da egunotako kasu bakarra. Pasa den igandean gazte eritrear baten gorpua aurkitu zuten Irunen, Bidasoa ibaitik gertu, honek ere bere buruaz beste egin izanaren zantzuak zituen. Irungo Harrera Sareak uste du migratzailea izan zitekeela eta ostegun honetan elkarretaratzea egin dute Irunen, heriotza hori salatzeko.
Ezpainak josita
Bestetik, migratzaileei babesa eskaintzen dien Cimade elkarteak salatu du Hendaian 63 egun atxikitze zentroan daraman gizon batek ezpainak josi dituela. Tunisirra jatorriz, Cimadek Berria-ri azaldu dionez prefeturak ukatu egin dio bizileku baimenaren agiria eta Paueko auzitegian helegitea jarri duen arren, kanporatu egingo dute, bere kasua oraindik ez dutelako aztertu. Hala, bere "desesperazioa" azaltzeko josi ditu ezpainak.
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Sahara hegoaldeko gizonak, emakumeak eta adin txikikoak zeuden txalupan. Merkataritza ontzi batek jitoan zebilen txalupa ikusi, soka bat lotu, eta laguntza eskatu zuen.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.