Inbertsore eta analista guztien kezka bilakatzen ari da mundu mailako ekonomia ezagutzen ari den aldakortasun baxua. Eta "aldakortasun erregimen honekin amaitzeko 'shock' bat beharrezkoa da; gerra edo atzeraldi bat", Goldman-en iritziz. Atzeraldi bat izateko aukerak nahiko baxuak direla azaltzen dute inbertsio bankuko analistek, eta datozen bi urtetarako %25eko probabilitatea markatzen dute. Dena dela, inbertsoreen erosketa mugimenduak nabaritzen ari direla azaldu dute, balizko atzeraldi horren errezeloak eraginda.

Gerra handi baten aukera ere aipatzen du zeharka Goldman Sachs-ek, honen inguruan datu askorik ematen ez badu ere. Baina aipatzen ditu azken denboretan arma enpresak burtsan egiten ari diren mugimenduak eta nazioartean pizten ari den geroz eta tentsio handiagoak.