Menpekoak
Aste hauetan bizi dugun egoera ekonomiko eta politikoak, bi gauza erakusten dizkigu. Bat: munduan, Europan eta estatuetan egiten diren politiken erabat menpeko garela, baita gas eta petrolio produkzioaren menpeko ere. Bi: gobernuen esku dauden politikak, aldi berean, ekonomiaren gorabeheren menpe daudela.
Horregatik da hain garrantzitsua zein talde politiko dagoen gobernuan, modu batean edo bestean, bi aldagai horiei aurre egiteko.
Europako mantsotze ekonomikoak egitate bat dirudi jadanik: Alemaniak “katarroa” dauka eta gainerako herrialdeak kutsatuko ditu. Txina eta AEBen arteko harremanak ez daude onenean, eta hori oso albiste txarra da esportaziora emanak dauden herrialdeentzat, Euskal Herria kasu.
Eta honen guztiaren erdian petrolioaren arazoa sortu da, Saudi Arabiako petrolio azpiegiturek ustez jasandako erasoaren ondorioz, Trumpek noski, Iran baitauka errudun. Eta AEBetako egungo presidentea ezagututa, Golkoko gerra berri bat eragin dezake horrek, kalte humano, sozial eta ekonomiko handiekin mundu osoarentzat. Horretara ez gara iritsi oraindik, baina garbi geratu da petrolioa gure ekonomiaren oinarria dela eta kontsumorako produktuak garestitzen ari dela, enplegua bera ere mehatxatuz.
Euskal Herria ere menpeko da, Espainia, Frantzia, Alemania, AEB eta Txinaren menpeko, baita petrolioaren menpeko ere. Menpekotasun ekonomiko-politiko horri aurre egiteko, beharrezkoa da lanean jarraitzea eta erabakitzeko eskubidearen alde borrokatzen segitzea, gehiengo sozialari mesede egingo dien politikak aurrera eramateko. Ezin dezakegu ahaztu, aukeratzen dugun gobernuaren arabera izango garela menpekoago, ala ez.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]