Mende amaierarako itsasoak euskal kostaldea hondartzarik gabe utz dezakeela ohartarazi du AZTIk
Klima aldaketak Euskal Herriko kostaldean dituen eta etorkizunean izango dituen ondorioei buruzko txostena kaleratu du AZTI zentro teknologikoak. Baliteke mende amaierarako itsas maila 65 zentimetro igotzea. CO2 emisioak murriztu beharra agerian geratu da berriro ere.
Klima aldaketak euskal kostaldean daukan inpaktuari zenbakiak jarri dizkio AZTI zentro teknologikoak, orain berri ateratako txosten batean. 1990etik, hamarkada bakoitzean 1,5-3,5 zentimetro artean igo da itsas maila, eta aurreikuspenen arabera, baliteke itsas-mailaren igoera 50 eta 65 zentimetro artekoa izatea mende honen amaierarako. Adituek hondartzetako, bizitegi-lurzoruko eta industria-lurzoruko inpaktuen xehetasunak aztertu dituzte eta AZTIko Klima Aldaketa arloko koordinatzaile den Guillem Chusten hitzetan, itsas-mailaren hazkundeak “hondartza gehienak, padurak eta belardiak galtzea” ekarriko du. Kalteak minimizatzeko egokitzapen neurriak proposatzen ditu zentro teknologikoaren txostenak.
Hondartzetan, paduretan eta belardietan ez ezik, kostako azpiegitura kritikoetan ere eragingo du igoera horrek; portuetan, dikeetan eta itsas pasealekuetan kalte handiak sortuta. Olatuen muturreko altueran ere gorakada nabaritu dute, hego-ekialdean bereziki. “Ondorio kritikoak” direla azpimarratu du AZTIk.
Ozeanoak eta neurgailuak
Ozeanoak funtsezko eragileak dira klima globalaren erregulazioan. AZTIk klima aldaketak ozeanoei nola eragiten dien aztertzeko konpromisoa erakutsi du, metodo zientifikoak erabilita. Hori lortzeko, datu-base bateko informazio ugari bildu dute, ekaitzak ebaluatzeko eta kostaldeko eremuei nola eragingo dieten aurreikusteko. Gainera, hainbat tresna dituzte, hala nola olatuek kostaldeko egituretan nola eragiten duten neurtzeko sentsoreak, uholdeak simulatzen dituzten ordenagailu-ereduak eta olatuen eta uholdeen kalteak prebenitzeko alerta goiztiarreko sistema bat.
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Prekaritate global hirukoitza pairatzen dute Pakistanen, klimak, energia gabeziak eta finantza publiko arazoak elkarrekin eragindakoak, bakoitzak bertze bien kalteak areagotzen dituela. Halere, arazoaz jabetu dira bertako agintariak eta bideratu dituzte aldaketak, nahiz eta... [+]
2003ko udarekin batera, 1970etik beroena izan da aurtengoa. Europar Batasuneko "Copernicus" behategiak larrialdi klimatikoa dela-eta bero boladak "maizago" egongo direla dio, eta aurtengo ekainean bere ondorioak izan ditu: ehunka pertsona hil dira Europan.
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.
Lurreko bi heren baino gehiago ura da; ur horretatik %96, ozeanoetako ur gazia. Eguzki izpiak ozeanoetako lehen 200 metroko sakonerara heltzen dira, eta bertan bizi dira munduko arrantza industriak ustiatzen dituen espezie ia guztiak. Aitzitik, zientziak gehiago erreparatu izan... [+]
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Klima-aldaketari buruzko BC3 ikerketa-zentroak baieztatu duenez, Europako hiriak atzera geratzen ari dira klima-aldaketari egokitzeko neurrietan. Hain zuzen, nazioarteko beste zentro batzuekin batera egindako ikerketan frogatu dute egokitzapen klimatikoko planen ia % 70k ez... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Klima aldaketaren eraginez, munduko lurralde gero eta gehiago idortzen ari dira, milioika pertsonaren jarduera eta bizimoduak kolokan ezarririk. Fenomeno horren frontean dago India erdialdeko Maharashtra estatua, non klimaren berotzeari eta lehortzeari metatu zaizkien oihan... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]