ARGIA.eus

2022ko abuztuaren 15a

Haserrea eragin du Melillako sarraskiak

  • Melillako sarraskia estatuek bultzatzen duten "nekropolitikaren" ondorio dela salatu du hainbat kolektibok Bilbon eta Donostian egindako protestetan, eta polizia-indarren jarduna dela horren erakusgarri. 37 pertsona hil ziren ostiralean Maroko eta Espainaren arteko mugan, Gobernuz Kanpoko Erakundeek emandako datuen arabera. Astelehen arratsalderako elkarretaratzeak deitu dituzte Gasteizen eta Iruñean.

Mugek "hiltzen" dituztela salatu du dozenaka lagunek Bilbon / Ongi Etorri Errefuxiatuak Bizkaia
ARGIA @argia
2022ko ekainaren 27a

"Gerratik, errepresiotik eta miseriatik ihes egiten saiatzen direnentzako hilerria da berriro ere Melilla", salatu du SOS Arrazakeriak, igandean Donostiako udaletxe aurrean egindako elkarretaratzean. "Ehorzleak Marokoko eta Espainiako gobernuak dira, hesiak altxatu eta hedapen polizial-militar oso bat antolatzen dutenak, bizitzen eta errepresioaren kontura gure muga sakratuak urratzea eragozteko".

"Irudiek edonor beldurtzen dute", adierazi du erakundeak. "Aldiz, Espainiako Gobernuko presidentea pozik agertu da Marokoko poliziaren jardueragatik. Zein endekapen- eta galera-mailatara irits daitekeen iparraldea giza eskubideen aldeko adierazpenez betetako erakundeen aldetik, herrialde batzuen jarduera kritikatu nahi denean. Etika alde batera geratzen da gizatasuna kendu zaien pertsonei buruz ari garenean". Ehunka herritar batu dira SOS Arrazakeriak deitutako elkarretaratzera.

Argazka: @MikelArreseigor

"Espainiaren eta Marokoren arteko mugek hiltzen gaituzte"

Bilbon ere dozenaka lagun bildu dira igandean, Ongi Etorri Errefuxiatuak eta CNAAE afrikar komunitateak deituta. Espainiako Estatuaren eta oro har Europaren "nekropolitikak" salatu dituzte. "Mina, amorrua, ezintasuna, lotsa. Ikusi dugu historiako gobernurik aurrerakoienak zoriondu egiten dituela Marokoko estatu hispanoko segurtasun-kidegoak, kontutan izan gabe haien ekintza bortitz eta deshumanizatu guztiak".

Argazkia: Ongi Etorri Errefuxiatuak Bizkaia

Gaur, Gasteizen, Iruñean eta Irunen

Gaur, astelehena, Melillan gertatua salatzeko elkarretaratzea deitu du Ongi Etorri Errefuxiatuak taldeak Gasteizko Andre Maria Zuriaren plazan, 19:00etan. "Melillako muga sarraskirik ez. Europa eta estatuen migrazio politika hiltzaile honi ez. NATOri ez", aldarrikatu du kolektiboak. Iruñean, bestalde, Sarasate pasealekuan egingo da kontzentrazioa, PSNren egoitzaren aurrean, "Justiziarik gabe bakerik ez!" lelopean. Mugak Zabalduz Karabanak, SOS Arrazakeriak eta PIM-MIG pertsona migratuentzako informazio guneak egin dute deialdia. Irungo Harrera Sareak ere deitu du elkarretaratzea, 18:30ean San Juan Plazan.

Lur-jota, polizia marokoarrek inguratuta

Nador hiriko Giza Eskubideen aldeko Marokoar Elkarteak bideo bat zabaldu du Twitter bidez. Dozenaka lagun ageri dira lurrean, itxuraz zauriturik eta erabat akituta, marokoar poliziek inguratuta. "Era inhumano honetan, bata bestearen gainean pilatuta, autoritate marokoarrek atxilotu zituzten Saharaz hegoaldeko dozenaka migratzaile hesiaren parean", salatu du erakundeak.

Kanal hauetan artxibatua: Migrazioa  |  Espainia  |  Maroko

Migrazioa kanaletik interesatuko zaizu...
Kalean bizi diren gazte migratzaileen testigantzak, begiak irekitzeko dokumentala

Oussama, Amine, Ayoub, Es Said, Ahmed, Meriem, Youssef, Zakaria… dira En la calle dokumentaleko protagonistak, eta Poliziarekin eta dendariekin duten tratuaz, lan egiteko eta alokairua lortzeko dituzten zailtasunez eta kalean daramaten bizimodu gogorraz mintzo dira,... [+]


Nola deshumanizatzen dituzten pertsona migratzaileak hedabideetan

Maitane Gartziandiak egindako infograma PDFan deskargatu dezakezu (egin klik PDF jartzen duen lekuan). Eta albisteari buruzko informazio gehiago, honako loturan.


2022-07-07 | ARGIA
Eñaut Aramendi sindikalista atxiloturik izan dute, hiru migratzaile Baionara eramateagatik

Bidasoa Etorkinekin kolektiboak jakinarazi duenez, Aramendi goizeko 8:00ak inguruan atxilotu dute frantziar gendarmeek Urruñako bidesarian, migratzaileak Baionara zeramatzanean. Handik ordu batzuetara utzi dute aske.


Nola deshumanizatzen dituzten pertsona migratzaileak hedabideek

Pertsona migratzaileak informazio-iturri gisa ez erabiltzea, haien inguruko albisteak irudi sentsazionalistekin laguntzea, beharrezkoa ez denean nazionalitatea azpimarratzea… Hedabideetan pertsona migratzaileak deshumanizatzeko erabiltzen diren mekanismoak aztertu ditu... [+]


Irakurrienak
Argia buletina
Egunaren laburpena
zure e-postan
Eguneraketa berriak daude