ARGIA.eus

2020ko urriaren 30a

Mediku brigada berria bidali du Kubak Hegoafrikara

  • 216 osasun-langile kubatarrez osatutako brigada heldu da igandean Hegoafrikara, herrialdeak koronabirusarekin laguntzeko eskatu eta gero. Afrikara bidalitako laugarren brigada kubatarra da Hegoafrikakoa.

Maria Ortega Zubiate @ortegazubiate
2020ko apirilaren 27a
Henry Reeve brigadako medikuak. Argazkia: News Front.

Hegoafrikako Gobernuak nazioarteko laguntza eskatu du krisiari aurre egiteko; izan ere, datu ofizialen arabera, Afrikan izurritea gehien pairatu duen herrialdea da. 4.361 kutsatutik gora eta 86 hildako daude herrialdean. Eskaera horri erantzunez erabaki du Kubak Henry Reeve brigada bidaltzea.

Zenbait espezialitatetako adituak daude brigadan; 85 mediku, 20 erizain eta beste hainbat arlotako 111 aditu –epidemiologoak, bioestadistak, osasunaren teknologiako ingeniariak...-.

Brigada 2005ean Katrina urakanak eragindako kalteak laguntzeko sortu zen. AEBek bere laguntzarik onartu ez bazuten ere, beste herrialde batzuetan ere izan da Hegoafrikara joan aurretik; ebolaren epidemian izan zen, eta 2017an sari bat eman zion Osasunaren Mundu Erakundeak.

Koronabirusaren krisialdiarekin, beste hainbat herrialdetara era bidali du laguntza Kubak, Italia barne; ia 1.500 espezialista daude 21 estatutan. Baina krisiaren aurretik ere famatuak ziren bere medikuen misioak; 400.000 espezialista kubatarren laguntza izan dute 164 estatutan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Covid-19 shockean adi  |  Hegoafrika  |  Kuba

Covid-19 shockean adi kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude