Martxoan Bertsoaren hamaika urteko historia
2003an egin zen Zumarraga eta Urretxuko "Martxoan Bertsoa" taldekako bertsolari txapelketa herrikoiaren lehen edizioa. Maialen Torresek eta Eli Agirrek BertsoaZUztartuz bideoan jaso dute ekimen horren eta bertso eskolaren historia.
Hamaika urteotako irudiak biltzeaz gain, bertso eskolako hiru kide elkarrizketatu dituzte: Gorka Azkarate, Gorka Ojanguren eta Maialen Akizu.
"Martxoan Bertsoa" egitasmoak Zumarragan eta Urretxun bertso mugimendua sustatu duela diote, taula gainean sekula kantatu gabeko herritarrak jarri dituela bertsotan, eta saioetara sekula joan ez zen jendea erakarri duela.
Aurtengo edizioa ostiral honetan hasiko da. Finala, ohi bezala, Gaztetxean egingo da martxoaren 28an.
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.