Marokora deportatu dute hamabi urte Gasteizen bizi eta gero

  • Gasteizen hamabi urte bizitzen zeramatzan marokoar bat bere jatorrizko herrialdera erbesteratu dute. Abuztuaren 3an deportatu zuten, Gasteizko udaltzainek bi egun aurretik identifikatua izan eta gero. Deliturik egin ez duen arren, udaltzainek Polizia Nazionalaren eskuetan utzi zuten, bere egozte baimenari 28 egun falta zitzaizkionean.

     

Asier Gonzalez de San Pedro @asiertxiki98
2018ko abuztuaren 07a
Gasteizko udaltzainen irudia (Argazkia: Hala Bedi)

Hala Bedik jaso duenez, atxilotua ez zuten epaitegira eraman ez zuelako deliturik egin eta senide eta lagunei gezurra esan zien polizia nazionalak: Madrilgo CIE batera eramango zutela esan zieten baina bitartean Madrilera zeramaten deportatua izateko.

Ostiraleko  gaueko 00:03 Madrilera bidali zuten, bide guztia atxilotuta eraman zuten eta ez zioten jateko edo edateko aukerarik eman. Madrilen ez zuten CIE batera bidali Barajas aireportuko T3ra baizik, beste hogei pertsonarekin batera deportatua izateko. Melillan lurreratuta, Nadorreko komisariaraino heldu arte lagundu zieten poliziek, deportazioa amaitutzat emateko.

Gasteiztik atera eta 16 orduetara Marokora iritsi zen, bere familiak CIE batean egongo zela uste zuen bitartean. “Ez dugu ustekabeetan sinesten eta uste dugu erlazio zuzena dagoela Gasteizko jarduera polizialaren eta Madrilgo deportazio hegaldiaren artean” adierazi du Salhaketa-Arabak.

Elkarte honetatik ekintza polizialaren larritasuna salatu dute: "Horrelako kasu asko gertatzen dira guk jakin ere izaten ez ditugunak”. Salhaketa-Arabako kideei bereziki “kezkagarria eta onartezina” iruditzen zaie  Gasteizko udaltzainek bizilagunen deportazioan laguntzea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Migrazioa  |  Gasteiz

Migrazioa kanaletik interesatuko zaizu...
2019-01-15 | Uriola.eus
100 familia behar dira udan haur errefuxiatu sahararrak harreran hartzeko

Elkarte eta udal ezberdinek euskal familiak programan parte hartzera animatzeko kanpaina martxan jarri dute, “orain bi familia ditut: bat Saharan eta bestea Euskal Herrian” lelopean.


Migrazioa erdigunean

“Migratzaileen urtea izan da 2018, eta bide horretan doa 2019a ere. Baina ez guri lana “kentzera” migratzaile oldea datorrelako, batzuek saldu nahi diguten moduan, Europan migrazio politika gero eta gogorragoak eta diskurtso gero eta xenofoboagoak zabaltzen ari direlako baizik. Eta hauteskundeen urtea izanik, gertuago eta ozenago entzungo ditugulakoan nago.


2018-12-27 | ARGIA
Migratzaileen karabanaren 11 argazki

Milaka ertamerikarren sufrimendua islatzen duten argazki ikusgarriak egin ditu Simone Dalmassok, eta Plaza Publica-k zabaldu ditu.


2018-12-27 | Iņigo Igartua
Wednesday Silva, Oņatin bizi den ginearra: "Errefuxiatuek bizi dituzten egoerekin alderaturik, luxuzko bizitza izan dut"

Errefuxiatuei elkartasuna adierazteko “Inor ez da ilegala” astea, Wednesday Silva ginearraren hitzaldiarekin biribildu dute Oñatin. Antolaturiko ekintzen artean, aurkezpenak, hitzaldiak, bazkaria eta tailerrak izan dira.


2018-12-21 | ARGIA
Bouba Diouf (Mbolo Moye Doole): "Kooperatibak migratzaileon bizi baldintzak eta integrazioa hobetzeko modu bat izan daitezke"

Migratzaile talde batek sortu duen garbitzaile kooperatiba bat da Mbolo Moye Doole. ARGIA aldizkarian adierazi izan dugunez, gurekin elkarlanean “Inor ez da ilegala” kanpaina jarri zuten martxan, kooperatibarako dirua lortzeko.


Urkulluk ikusten ez duen xenofobia

Migrazioari buruzko itun soziala proposatu du Urkullu lehendakariak, EAEra datozenentzako harrera eta integrazio hobea eskatuz, mezu xenofoboei aurre egiteko batasuna aldarrikatuz. Etxe barrutik hasi beharko luke, ordea.


2018-12-19 | Iņigo Igartua
"Inor ez da ilegala" aldarrikatuz hasi da Oņatin etorkinei elkartasuna adierazteko astea

Abenduaren 18ko Migratzaileen Nazioarteko Egunaren harira aste osorako egitaraua osatu dute Oñatin. Auzoko, Cear, Elkarzabal, gaztelekua, gaztetxea, Hotz Oñati eta Txipistin eragileek antolatu dituzte ekitaldiak.


2018-12-18 | Iņigo Igartua
Mediterraneoan hil diren 35.000 migranteren izen-abizenak jarri dituzte Bartzelonako metroan

Europako migrazio eta aterpe politikek Mediterraneo itsasoan 35.000 pertsona baino gehiagoren heriotza eragin dutela salatu dute ekimenarekin.


Migrazioaren aurkako kontrol eta politika arrazistak salatzeko kontzentrazioak Irunen eta Hendaian

Gaur egin dute migratzaileen eskubideen aldeko elkarretaratzea, biharko Migrantearen Nazioarteko Egunaren harira.


Zirt edo zart

Ez aurrera eta ez atzera dago Ertamerikako migratzaileen karabana Mexikoko Tijuanan. Milaka lagunen ametsa zen, kolektiboaren indarraz baliatuta, AEBetako muga gainditzea. Hilabetea eman dute zain, baina tenperatura baxuak eta euriak larritasuna barreiatu dute kanpamentuetan. Egoeraren larria ikusirik, bakan batzuek etxera itzultzea deliberatu dute. Beste batzuek AEBetako hesien, polizien, militarren eta paramilitarren oztopoei, nola edo hala, aurre egitea erabaki dute.


Eguneraketa berriak daude