ARGIA.eus

2022ko abuztuaren 17a

Olanori galdetu diote zuzenean: "Zer ari da gertatzen erraustegian?"

  • Larunbat beroan, eguerdian, dozenaka lagun bildu dira Zubietako Plazan, azken egunotan Arkaitzerreka errekan izandako kutsaduraren harira Errausketaren Aurkako Mugimenduak deituta. Komunikatu zorrotza irakurri dute, agintarien azalpen falta salatuz, eta zuzenean Gipuzkoako Ahaldun Nagusi Markel Olano interpelatuz: “Non zaude? Zeri begira bizi zara?”. Bitartean, Gurasos elkarteak adierazi du ikerketa fiskaltzara eraman dutela. Egunotan Arkaitzerrekako kutsadura maila jaisten hasi da, egunez egun jarraipena egin dioten herritarrek baieztatu dutenez.

Arkaitzerrekako kutsadura eta agintarien isiltasuna salatu dute Zubietan herritarrek. (Argazkia: EAM)
2022ko uztailaren 18a

Bero izugarriak ez ditu etxean gerarazi herritar ugari, eta Zubietako plazan dozenaka lagun bildu dira larunbatean. Errausketaren Aurkako Mugimendua oso haserre da Gipuzkoako agintariekin, eta azpiegitura horretan arazoak sortzen direnean, ez dagoela azalpenak emango dituen inor salatzen dute.

“Gipuzkoa gainezka dago erraustegia kontrolatu dezaketen eta kontrolatzeko obligazioa duten funtzionario, agintari eta profesionalez. Baditugu kolore guztietako poliziak, Ingurumena zaintzeko agentzia publikoak, ahoa “gobernantzaz” eta “gardentasunez” betetzen duten enpresa publiko eta pribatuak, herritarrei egia kontatzen omen diotela harro esaten duten agintari eta politikoak… Baina arriskuz betetako Erraustegi bat kontrolatzeko orduan, inor ez dago: inor ez dago begira, inor ez zerbait gertatutakoan alerta jotzeko, inor ez susmagarriak kontrolatzen… Makel Olano, Gipuzkoako Ahaldun Nagusia: non zaude? Zeri begira bizi zara?”, galdetu dute.

EAJko politikariari aurpegiratu diote ez zutela atsedenik izan “erraustegi munstroa” martxan jarri arte, nahiz eta herritarrek behin eta berriro ezetz esan, edo udal askok erakutsi hondakinak kudeatzeko modu merkeago, osasuntsuago eta efikazagoak gaudela, edo nahiz eta herri mugimenduak urteetan mobilizatu arren proiektuaren aurka. “Lortu duzue nahi zenutena: herritarrak zorpean sartu, multinazionalak eta bertako enpresa lotsagabe batzuk aberastu, herritarrak publizitate kanpainaz engainatu… eta hondakinak alferrik galdu eta erretzen dituen munstro garestia martxan jarri. Baina orain, Markel Olano Jauna, Gipuzkoan agintzen duzuen PNVko eta PSEko buruzagi profesionalak, orain non zaudete Zubietako Erraustegia nola ari den egunero kontrolatzeko? Ez al diguzue informazio argi eta garbia zor Gipuzkoa osoko herritarroi eta batik bat Erraustegiaren arriskuak etxe ondoan dauzkaten hemengo herritarrei? Markel Olano, zer ari da gertatzen Zubietako erraustegian?”, esanez amaitu dute.

Fiskaltzara eraman dute ikerketa

GuraSOSek ostiralean iragarri du gizarte zibila Arkaitzerrekan izandako isurketa ikerkertzen ari dela eta fiskaltzaren esku daudela jada.

Eusko Jaurlaritzak eta Gipuzkoako Foru Aldundiaren Ingurumen Sailak kutsaduraren jatorria zein den jakiteko ikerketarik egin ez izana salatu du. Kontrara, goraipatu egin du gizarte zibilak gaiari heldu eta ikerketa abiatu izana –Errausketaren Aurkako Mugimenduak edo Usurbilgo udaltzaingoak ur kutsatuaren laginak hartu ditu lehen egunetik eta laborategi batean analizatzen ari dira–. Fiskaltzari eskatu diote azkar eta zehatz jarduteko, gertaerak argitzeko. “Gizarteak zer gertatzen ari den jakiteko eskubidea du”, adierazi dute.

Gipuzkoako Hondakinen Kontsortzioak (GHK) bidalitako bi esaldiko oharra ere kritikatu du GuraSOSek. Gertatu dena GHK-k ikertu baino gehiago, GHK-ren jarduera ikertu behar dela uste du talde horrek, GHK baita erraustegiaren eta tratamendu mekaniko biologikoko planten titularra.

Kanal honetan artxibatua: Gipuzkoako erraustegia

Gipuzkoako erraustegia kanaletik interesatuko zaizu...
Arkaitzerrekako urarekin hazitako letxugak, Gipuzkoako Aldundiko agintariei "oparitzeko"

Erraustegiaren Aurkako Mugimenduak Zubietako planta ondoan dagoen errekako urarekin hazitako barazkiak "oparitu" nahi izan dizkiete Gipuzkoako Foru Aldundiko agintariei, toki horretan izandako isuri kutsagarriak argitu daitezela eskatzeko.


2022-08-01 | Zero Zabor
Guardia Zibila Arkaitzerreka ikertzen izan da berriro, erraustegiko azken kutsaduraren harira

GuraSOSek jakinarazi duenez, duela bi asteko kutsaduraren harira, Guardia Zibileko Sepronako agenteak Arkaitzerrekan izan dira uztailaren 19an, errekaren ingurua ikertzen. 2020an ehunka arrain hil zituen erraustegiko isuriaren auzian, delitu ekologikoa egin zuten ikertzeko... [+]


2022-07-27 | ARGIA
Bi aste igaro arren erakunde publikoak mutu
Duela bi urte ehunka arrain hil zituenean baino gehiago kutsatu du erraustegiak Arkaitzerreka oraingoan, analitikak erakutsi duenez

Bi aste igaro arren Zubietako erraustegi azpitik pasatzen den Arkaitzerreka oso kutsatuta agertu zenetik, ez dute inolako informaziorik eman Gipuzkoako Hondakinen Kontsortzioak (GHK), Gipuzkoako Foru Aldundiak, Eusko Jaurlaritzak edota Ura agentziak. "Zubietako Erraustegiak... [+]


2022-07-26 | ARGIA
Kloruro, amonio eta konduktibitate maila oso altuak Arkaitzerrekan, erraustegi azpitik isuritako kutsaduraren ostean

Zubietako erraustegi azpitik ateratzen den hodi bat Arkaitzerreka kutsatzen ari zela ohartarazi zuen herritar batek uztailaren 13an. Usurbilgo Udalak errekaren laginak hartu zituen eta behin-behineko emaitzak eman ditu orain: ezohiko maila oso altuak jaso dira kloruroetan,... [+]


2022-07-15 | ARGIA
Arkaitzerreka garbi iristen da erraustegira, baina kutsatuta irteten da hirugarren egunez

Hainbat bideotan bildu du ARGIAk erreka garbi iristen dela erraustegira eta ondoren zikina eta okre kolorearekin irteten dela. Errausketaren Aurkako Mugimenduak larunbat eguerdirako protesta deitu du.


Irakurrienak
Argia buletina
Egunaren laburpena
zure e-postan
Eguneraketa berriak daude