Garmendiak irabazi dio Elorzari PSE-EEren Donostiako alkategai izateko lehia
Odon Elorzari gailendu zaio sozialisten hauteskunde primarioetan botoen %66 lortuta, eta maiatzeko udal hauteskundeetarako hautagai izango da.
Marisol Garmendia PSE-EEren Donostiako zinegotzia izan zen 2011 eta 2015 artean, eta 2015etik 2019ra Gipuzkoako Foru Aldundiko Mugikortasuneko eta Lurralde Antolaketarako diputatua izan zen. Egun, Donostiako bigarren alkateorde da, eta Gune Publikoetako eta Hiri Proiektuetako zinegotzia. Bada, 2023ko maiatzeko udal hauteskundeetan Donostiako alkategai izango da. Igandean argitu da Odon Elorza Donostiako alkate ohiaren eta Garmendiaren arteko lehia: PSE-EEko militanteen %66k Garmendiari eman diote bozka, alderdiko hauteskunde primarioetan.
PSE-EEk jakinarazi duenez, bozkatzera deituta zeuden 452 militanteetatik 338k eman dute botoa (%76). Haietatik 222k Garmendiaren alde egin du, eta gainerako 115ek Elorzaren alde. Hautsak harrotu zituen Odon Elorzaren hautagaitzak, baina azkenean alkatetzako lehiatik kanpo geratu da.
2023ko maiatzaren 28an izango dira udal hauteskundeak, eta Marisol Garmendiak prentsari azaldu dionez, “Donostiako lehen emakumezko alkate sozialista” izan nahi du. “Herritarren konfiantza eta alkatetza berreskuratzeko” lan egingo duela ziurtatu du.
Eneko Anduezak ondokoa nabarmendu du: "PSEren botoa ezinbestekoa da, erabilgarria da, gobernua erabakitzeko". Biharko egunari begira jarri da: "Bihar astelehena da. Erabakitzea tokatuko zaigu. Erantzukizunez egingo dugu, gure printzipioek eta programak eskatzen... [+]
PSE-EEko lehendakarigai Eneko Anduezari elkarrizketa egin diote Euskadi Irratian eta bere "konfiantza" adierazi dio Ertzaintzari azken asteotan eragin dituen karga eta zaurituen harira.
Espainiako Kongresuan egiten ari diren eztabaidan oihartzuna izan du Iruñeko alkatetza aldatzeko PSNren eta EH Bilduren arteko akordioak. Alberto Nuñez Feijóok esan du "akordio enkaputxatu" bat dela. Patxi Lópezek, berriz, ukatu egin du... [+]
Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.
Arlo soziokulturalerako teknikari batek bere lanaldi erdia euskararekin lotutako gaiei eskaintzen dizkio, euskara teknikaria izan gabe. Amurrion euskararen normalizaziorako giza baliabideak "nahikoak" ez direnez, euskara teknikaria behar dela aldarrikatu du Aiaraldeako... [+]