Maravillas Gaztetxeari oroimen historikoa manipulatzea leporatu diote 50 lagunek

  • Oroimen historikoaren alorrean lanean ari diren hainbat pertsonak eta 36ko Gerran fusilatutakoen hainbat senitartekok "Oroimen historikoaren aldeko eta manipulazioaren aurkako manifestua" sinatu dute. Idazkia Iruñeko Maravillas gaztetxeak irailaren 27ko Gudari Eguna dela-eta antolatutako ekitaldien harira etorri da.

Xabier Letona @xletona
2018ko irailaren 12a
Oroimen historikoa jorratzeko Maravillas Gaztetxekoek ateratako kartela.

Espainiako Poliziak Iruñeko Alde Zaharrean tiroz hildako Mikel Castillo ETAkideari irailaren 18an omenaldia egingo diola iragarri du gaztetxeak. Oroimenaren inguruko ekitaldietan, besteak beste, bi zine emanaldi antolatu dituzte, bata Operación Ogro Carrero Blanco agintari frankistaren hilketari buruzkoa eta bestea La fuga de Ezkaba, 36ko Gerrako ihesaldi ezagunaz.

Ekitaldi hauen harira, manifestuaren sinatzaileek gogor salatu dute gaztetxekoek 36ko fusilatuen memoria eta ETAren jarduna lotu izana. Haien ustez, horrekin manipulatu egiten dutelako “lur honetako memoria errepublikarra”. Ordukoa aztertu eta landu dutelako, are eta argiago ikusi dutela biolentziaren “ondorioak zeintzuk diren eta honek dakartzan eragin dramatikoak”.  “Kontraesan argia da ETAren mundua eta bere jarduera autoritarioa Maravillas Lambertorekin, Ezkabako iheslariekin edo Nafarroan fusilatutako 3.452 pertsonekin lotzea”.

Sinatzaileek azpimarratzen dute 36ko gatazkan ez zela kanpoko inor Nafarroari eraso egitera etorri eta bertakoak izan zirela hiltzaile lanak egin zituztenak. "Hau ez zen Euskadi eta Espainiaren arteko gatazka bat izan", eta "bere ardatza demokrazia-frankismoa" izan zen.

Maravillas Lambertoren harira, sinatzaileek diote gaztetxekoek lekuz kanpoko konparaketa “friboloa eta oportunista” egin dutela neskaren heriotzeko gaua eta gaztetxea hustu zuten gaua parekatzerakoan. Gainera, gertaera haiek direla eta, “amarillismo morbosoan” erori direla diote, “aspertu arte errepikatzen ari direlako” neska gaztea bere aitaren aurrean bortxatu zutela eta ondoren bere gorpua txakurrei eman zitzaiela, eta hori ez zela horrela izan.

Mikelen memoria auzo ekimena

Manifestuari eta bestelako salaketei erantzunez, Iruñeko Alde Zaharreko Mikelen memoria auzo ekimenak ohar bat kaleratu du esanez ez dela Maravillas Gaztetxea ekitaldien antolatzailea, haien taldea baino, eta Mikel Castillo hil zutenetik urtero antolatzen duten ekitaldia dela. Aurten ere Carmen kaleko oroimen ekitaldira gerturatzeko gonbitea egin diete auzoko bizilagunei, irailaren 18an Carmen kalean 19:00etan.

"Ez dugu utziko poliziaren biolentzia zigor gabe geratzeaz gain gure memorietarik ere ezaba dezaten, eta horregatik, urtez urte gure auzokidea oroituko dugu. Hitz hauek zuretzat dira Mikel: "Ez dakizu zenbat aldatu den Iruñean azken urteetan Mikel, onera jakina; hala ere, batzuk saiatzen dira iragan grisera itzultzen, horretarako edozein aitzaki erabiliz, kasu honetan, esaterako, zure memeria".

Sareetan ere izan du oihartzuna gaiak. Hemen txioetako batzuk:

Behean dira sinatzaile guztiak eta manifestua osorik:

Martin Zabalza, Eneko Arteta, Lara Bartos, Jose Mari Asin, Koldo Pla, Joaquin Roa, Maite Rocafort, Juan Carlos Espinosa, Jose Ramon Martinez, Joseba Ezeolaza, Koldo Martinez, Patxi Leuza, Mari Cruz Sueskun, Merche Murga, Patricia Abad, Izaskun Moyua, Marisa Pereira, Marina Garcia, Gonzalo Medrano, Javier Lekunberri, Chechu Rodriguez, Lupe Galindo, Pello Salaburu, Josetxo Arbizu, Ana Ansa, Joseba Orduña, Efigenia García, Mikel Armendariz, Benito Salvatierra, Juana Garcia, Joseba Gutierrez Vierge, Angel Urio, Amelia Resano, Victor Oroz, Natalia Bartos, Jaime Esparza, Miguel Angel Moiua, Mikel Otazu, Virginia Aleman, Adolfo Bescos, Jose Luis Uriz, Angel Garcia Sanz Markotegi, Pedro Rascon, Maria Jose Martinez, Inma Jurio, Javier Makua, Nerea Mikelez, Marisa de Simon, Maria Asuncion Urio, Nuria Medina, Anabel Diaz, Milagros Rubio, Jesus Angel Arandia, Nino Ruiz eta Mikel Donazar.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Oroimen historikoa kanaletik interesatuko zaizu...
2019-01-17 | Berria egunkaria
Frankismoaren sei biktimen tortura salaketak
MULTIMEDIA - erreportajea

1975ean eta 1976an Jesus Muñecas Aguilar kapitainak eta beste guardia zibil batzuek egindako torturen sei testigantza aurkeztu dituzte Tolosako epaitegian. Amparo Arangoa zenaren testigantza izan da horietako bat, bere nebak aurkeztu du. Elixabete Nosellas, Jokin Sarasola, Martín José Zabaleta, Juan Goñi eta José Begiristain ere han izan dira euren lekukotza aurkezten, Frankismoaren krimenen aurkako Kereilaren plataformak babestuta.


2019-01-16 | Mikel Asurmendi
Julen Lekuonaren musika 68ko maiatzaren giroarekin lotuko duen filma estreinatuko dute

Camarade-curé / Ez, ez dut nahi  Pierre Prouvèze zuzendariaren filma da. Filmak Collette Magny frantziarraren Camarade curé kanta du abiapuntuan. Magnyren kanta Julen Lekuona zenaren Ez, ez dut nahi kantak inspiratuta dago. Filma urtarrilaren 17an, ostegunean, 19:00etan emanen da, Donibane Lohizuneko Le Sélet zineman.    


49 proposamen, Iruņeko erorien monumentuarekin zer egiteko erabakitzeko

49 proposamen iritsi dira Iruñeko udalera erorien monumentuarekin zer egin erabakitzeko. Iruñeko udalak gogorarazi duenez, lehiaketa deialdian erabateko askatasuna ematen zitzaien parte hartzailei beraz, eraikina erabat aldatu, birmoldatu edo ta bertan behera uzteko proposamenak izanen dira aurkeztutakoen artean.


2019-01-14 | Uriola.eus
Oroimen historikoaren alorreko legedia bete dezala eskatu dio CNTk Jaurlaritzari

CNT sindikatuak Ondare Historikoa arautzen duen 4/1986 Legea onartu baino lehen konfiskatu zieten ondarea itzultzea eskatu dio Eusko Jaurlaritzari. Horretarako, elkarretaratze bat egin dute ostiralean Eusko Jaurlaritzaren Bilboko egoitza aurrean.


Iraganaren argia

Urte berria hasia dela eta, denok bat besteari opatzen diogu zoriona, esperantza izanez etorkizuna iragana baino gehiago argi ekarle izanen zaigula. Hain zuzen ere, orainaldia goibel agertzen zaigun garai hauetan –bake prozesuaren aitzinatze motelegia, miseria sozialaren hedapena, euskararen gainbehera, eskuin muturraren garaipenak, klima aldaketa, migratzaileen zapalkuntza, eta abar–, ateriak gerorako ditugu igurikatzen anitzek, eta itxaropen horretan egiten dugu lan.

Jo eta ke... [+]


Francoren deshobiraketa egiazko oroimen historikoari aurre ez egiteko sasi keinu nahasgarri gisa

Baliteke iritzi artikulu honen izenburuak hainbat irakurle harritu izana Oroimen historikoa bere balioa galtzen ari den garai hauetan, zerbait etereo eta zuria bilakatu arte (Egia, Justizia, Erreparazioa eta berriz ez gertatzeko Bermeak printzipioetatik erabat urrunduta), ezin dugu kritikatu besterik Francoren momiaren inguruan burutzen ari den operazio kosmetiko hutsala. Espainiako gobernuko presidenteak bere burua zuritzeko tamainako operazio kosmetikoa da hain zuzen, non memoria historikoa... [+]


2019-01-11 | ARGIA
CNT sindikatuak Eusko Jaurlaritzari eskatu dio 1937an konfiskatutako ondarea itzultzeko

"Legearen arabera gurea dena eskatzen ari gara", adierazi dute. Irakurri jarraian sindikatuaren oharra.


2018-12-28 | ARGIA
Olarizuko gurutze frankista berreraikitzea debekatu du Mendiolako herriak

Mendiolako Administrazio Batzordeak idatzia kaleratu du espresuki debekatuz Olarizun dagoen gurutze frankista berreraikitzea eta soilik "prebentzio" lanak egiteko baimena emango duela ohartarazi du, aurrez jakinarazita baldin badago.


1936ko lubakiak kaltetu dituzte basolanek Eibarko Akondia mendian

Ahaztuen Oroimena elkarteak azaldu duenez, inguru horretako basolanek eragina izan dute 1936ko frontea osatzen zuten lubakien aztarnetan. Eibarko Udalak jarritako informazio panela ere txikituta aurkitu dute.


2018-12-26 | Iņigo Igartua
'Argala' hil zutela 40 urtera, oroimen ekitaldia egin dute Arrigorriagan

Jose Miguel Beñaran Argala ETAko buruzagi historikoa, bere autoaren azpian jarritako lehergailu batez hil zuen Batallon Vasco Español erakunde parapolizialak.


Eguneraketa berriak daude