Mamiki konpartsa feministak amaiera eman dio 43 urteko ibilbideari
Urteroko erantzukizunei aurre egiteko erreleboaren faltan, Bilboko Mamiki Konpartsa Feministak erabaki du 43 urteko ibilbideari amaiera ematea. Mamikik utziko duen hutsunea betetzeko asmoa duenik bada, konpartsa feminista berri bat sortzeko eraikuntza prozesua abiatu baitu Txinparta Feminista Konpartsak.
"Bagoaz!". Hala dio Mamiki konpartsa feministak berriki publiko egindako idatziak. 43 urteko ibilbidearen ondotik, taldeak erabaki baitu orain arteko jardunari amaiera ematea. Alabaina, beste bide batzuk hartzeko asmoak dituztela eman dute aditzera: "Bestelako bide batzuk jorratzea dagokigu (...) eta hainbeste maite dugun gure proiektu honetan barrena, beste parte-hartze modu batzuk begiztatzen joatea".
Bizkaiko Emakumeen Asanbladak sortu zuen Mamiki duela lau hamarkada, jai herrikoietan ikuspegi feminista bermatzeko helburuz eta eremu horretan "feminismotik, feminismorako eta feminismoaren alde ekarpenak eginez". Bilboko Konpartsak osatzen duten gainontzeko konpartsekin batera "historia egin" izanaren sentipenaz hartu dute federaziotik atera eta gehiago txosnarik ez muntatzeko erabakia. "Nahiz eta batzuetan harremanak ez diren errazak izan, erasoen aurkako borrokan aurrera egin dugu, protokoloak egin ditugu eta emakumeen borrokaren aldeko ekintzak burutu ditugu, jai-eredu hau guzti-guztientzat izan dadin ahaleginduz", egin dute balorazioa.
Antzematen denez, erabaki gazi-gozoa da hartutakoa, egiturazko arazoei eta horiei konponbidea aurkitzeko ezintasunari baitagokio. Duela urte batzuetatik hona, Aste Nagusian txosna muntatzeak exijitzen dituen ardura guztiei erantzuteko erreleborik aurkitu ezinda ikusi direla azaldu dute; antza, txosna muntatu eta jaiek iraun artean txandak egiteko jendearen inplikazioa izan dute, baina zailtasunak izan dituzte urteroko erantzukizunei heltzeko prest leudekeen emakumeak aurkitzeko. Horrexegatik jakinarazi zuten ekainean aurtengo Aste Nagusian txosnarik ez zutela muntatuko.
Egiturazko arazo horiei aterabidea emateko, barne prozesua abiatu zuten eta azken urteetan aritu dira konponbidea aurkitu nahirik. Alabaina, "min eta atsekabe handiz, Bilboko Konpartsak-eko adiskideekiko urte hauetan partekatu dugunagatik esker onez", prozesuari amaiera eman eta konpartsa ixtea erabaki dute.
Hausnarrerako abiapuntu bat utzi dute desagertu aurretik: "Denon artean sortu dugun auto-exigentzia mailari eustea benetan zaila da. Eta eskatzen duen inplikazio mailari erantzutea gero eta konplikatuagoa da norbere kontziliaziorako. Hori da utzi nahi dizuegun hausnarketa".
Txinparta Feminista Konpartsa, eraikitze prozesuan
Mamikik jakinarazi duenez, aurten txosna ez jartzeko erabakiaren aurrean, emakumeek bultzatutako "hainbat ekimen" azaleratu ziren, "etorkizunari beste modu batean begiratu nahi ziotela ematen zutenak". "Gehienak Mamikiren barne eztabaidarako eta lanerako espazioetatik kanpo kokatzen ziren", ñabartu dute idatzian. Azaldu dutenez, ekimen horietako kideekin jarrerak bateratzeko ahaleginean aritu dira, baina "ez da posible izan".
Mamiki Berria izeneko taldeak agertu zuen Mamiki Konpartsari eusteko asmoa, bere burua aurkeztuz "Mamikiko hainbat emakumez osatuko talde berregituratu" gisa. Manifestu baten bidez adierazitakoaren arabera, txosna ez muntatzeko erabakia ez zen hartu Mamiki osatzen zuten guztiekin, eta Mamiki Berriak "egitasmoa zabaltzen saiatu" eta "orain arte guretzat gune seguru hau izan dena" berrantolatu nahi zuen.
Egun, Txinparta Feminista Konpartsa izenez, eraikuntza prozesuan da konpartsa feminista.
Maitasun erromantikoari lotuta, nerabe askok normalizatuta eta barneratuta du bikotekideak mugikorraren eta sare sozialen bidez kontrolatu nahi izatea. “Inportantea da ziberbiolentzia gisa identifikatzea, eta ez maitasun seinale gisa”, gogorarazi dute ikertzaileek.
Javier Escudero Pascual (Iruñea, 1979) “poz-pozik” dago erretiroa hartuta nahi beste gauza egiteko astia duelako. Nafarroako Aspace kirol klubeko motordun aulkiko futbol taldeko jokalaria da. Duela urtebete sortu zuten taldea, eta hirugarren geratu dira... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Irungo Alarde Parekidean sortu berri den Meaka konpainiako kapitaina da Nagore Olaskoaga. Alarde Tradizionala vs. Parekidea, “kopuruak direnak dira, baina oso pozik gaude gazte askok eta askok hartzen dutelako parte Alarde Parekidean, eta beraiek dira gure herriaren oraina... [+]
Ekainaren 14an egingo da Hernanin San Juan jaiak iragartzen dituen 30. Preludio kontzertua. Aurten emakume bat izango du zuzendari musikal: Judith Montero Imaz. Behin batuta hartuko, eta emakumeek musika ondarean egindako ekarpena ekarri du fokupera. Berarekin eta Hernaniko... [+]
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Sexu-erasoak, bikotekideen edo bikotekide ohien erasoak eta bestelako senideek egindakoak hartu dituzte kontuan zenbaketan. Bizkaian, %29 egin dute gora salatutako sexu-erasoek.
13 urteko mutil bat da Adolescence telesailaren protagonista, bere eskolako neska bat erailtzeagatik atxilotua. Lau kapitulutan zehar saiatuko gara ulertezina ulertzen, baina gidoilariek ez digute azalpen errazik emango, baizik eta bullying dinamika nahasiak, manosferaren eragin... [+]
Ilusioz mintzo da Shrabani Aranzabe-Pita (Orissa, India, 1999) musikari, ikerlari eta pedagogoa. Alkizan (Gipuzkoa) hazi eta hezi da. Pandemian minbizia izan zuen, eta prozesu onkologiko horretatik Naturaren Doinuak jaialdia eta proiektua sortu du. Aurtengo jaialdia ekainaren... [+]
Mundu mailan abiadura handian garatuz doan ideologia eta mugimendua dugu antiwokismoarena. Boterera arribatzeko eskuin muturreko agintariek duten arma berria da, eta berdin-berdin zabaltzen ari da herriko karriketan, unibertsitateetako korridoreetan zein telebista platoetan. Eta... [+]
Bisita, bizipen eta hausnarketa egunak izan ditut maiatzekoak. Hor nabil, intersekzionalitatea nola gauzatu, borrokak lotu nahian, bertsolarien moduan puntu guztiak esan nahian, potorik egin gabe...
Lan egiten dudan LoRa irrati komunitariotik, Maiatzaren 1erako... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.